حب نظيف .. لكم سمعت هذه العبارة و تأملت ف معناها .. إذ كيف يكون هذا الحب النظيف .. ولعل هذا كان الدافع وراء نص "عفاف" كمحاولة لإستكشاف العلاقة بين الحب و العفاف ،بين القلب و العقل،وبين الهوى و الدين .. أما هنا و بعيدا عن الجدية ف تناول الموضوع و بنوع من الفكاهة حاولت أتخيل الحب النظيف بسلامته من جانب تانى خااالص .. جانب يبدو أكثر بياضا .. حب نظيف .. أكيد واحد بيحب .... المهم.. الموضوع تم كتابته سنة 2002.. ولعله بيناسب حاليا "المود النفسى" ،الحب بقى و أشياء أخرى .. قدرنا كدا .. >إبتسامة< .. و لعلى أؤمن بمقولة .. "على المرء ف النهاية أن يتزوج ، فالسعادة ليست كل شئ" " حُبٌ نَظِيْفٌ "
حــــوراءُ.. يــا حبل الغسيل.. و عودها
كالحــبلِ لكــــنْ .. مـا عليه غســيلُ
و تميلُ -مثلك- يا غســيل إذا اهـتدى
لك مـن "مســاحيقِ الغســيلٍ" رســولُ
تـأتى قلــوبُ العــاشقين تعلقــــًا
بغسيلـــها , و تميـــل حيـث يميــلُ
عَلِقَـــت قلــوبُ العــاشقين بحبلـها
فـفؤادُهـم وســـخٌ..و ذاك غسيـــلُ
و يجنِّـنُ العشـــاقَ عطـرُ غـــسيلِها
إن مسَّ ذيــلَ غسيلِــــها "البرســيلُ"
إنْ أعطـت الأثـوابَ فُمَّــاً عاديـــاً
غبـطَ الفـــراتُ غــسيلَها و النيــلُ
و كلامُـها يُرضِـى المسامـعَ كلَّـــها
عنــد الغســيلِ.. فَفَمُّـــها "تسجيــلُ"
* * *
إن قــالَ قبلــى المُنشـدون بشعـرنا
ما ذاك تدليـــــــسٌ ولا تمثـــيلُ
لكنَّـــه نظـمُ القــرونِ بأهلـِـــها
مـن جــاءَ بالأولــى تــراه يقــولُ
وأتيـتُ آخـرَ أهــلِها.. ما لــى يـدٌ
فيــما أقــولُ و ماعــلىَّ سَـــبـيلُ
ديسمبر ١١، ٢٠٠٨
" حُبٌ نَظِيْفٌ "
الاشتراك في:
تعليقات الرسالة (Atom)
هناك ٣٢ تعليقًا:
السلام عليكم
ماذا أرى بوستا جديدا أرى يا للهنا ياللهنا ده بس من فرحتى أروح أقرا وأرجع
يا سلااااااااااااااام
حبل غسيل ومساحيق وبرسيل وفم
انت غلبت اغنية آه يا قفا يعنى محدش فكر فى حبل الغسيل دى قبل كده مفيش غير المبدع عبد العزيز محمود لما غنى يا شبشب الهنا يا ريتنى كنت أنا
لكن فكرة فم الغسيل دى مبدعة بس مجبتش ليه سيرة البقع المستعصية وصفيحة الغلية والشـّبه والزهرة !!!
يعنى وزادت نصاعاأبيضا بالغلىوالشّبة
وزغلل أعين الجيران غسيلنا الأبيض بالزهرة
هو ده نتاج حالة الحب النظيف والاقدام على الزواج ؟؟!!!!!
أنا قلت حتكتب معلقات لكن مفتكرتش انه حيكون متعلق على حبل غسيل
هو طبعا ضحكنى لكن مستغربة خصوصا جملتك الأخيرة ان السعادة مش كل شىء عشان كده حتتجوز
أنا أعتقد يا دكتور محمد أن الزواج هو الشكل المقدس والشرعى والمحافظ على الحب وغير كده بيكون حب مبتور وناقص وتقدر تحقق المعادلة الصعبة انك تكون متزوج وسعيد لو غيرت معتقدك ان الحب غير الزواج لأن معنى ارتياحك لشخص ما ورضاك أن تكمل بقية حياتك معه لا بد أن يكون أساسه حب على الأقل فى مشاركة الحياة معه
ربنا يحقق لك هذه المعادلة وغسيلكم يزغلل عين الجيران
شبشب الهنا؟؟ .. >إبتسامة< .. أولا: خلينى أشكرك بجد ع متابعتك المستمرة للمدونة سواء مع وجود موضوع أو بدونه ، أيتها الأخت الصغرى .. تسلمى لحسن متابعتك .. أما عن شبشب الهنا فإنسان عبيط أو هايف أو متخلف اللى يتمنى كونه شبشب ف رجل واحدة حتى و إن كان بيعشقها و إذا كان الحب يخليه شبشب فلا كان و لا كان الحب .. فالأغنية دى مطلعها غبى ، و لو عرفت إنك ممكن تشبهى النص ده بيها ما كتبته أصلا .. أل شبشب أل .. جاته 60 نيلة .. و النيلة هى أنثى النيل .. أما عن اندهاشك لوجود البوست الجديد فاطمنى خااااالص .. ده البوست بتاع السنة الجديدة >إبتسامة< ،2009 ، .. أما عن تعليقك ع كلمتى الأخيرة و الحب و الزواج ، فأنا ماقصدتش التفريق بينهم .. و ما قصدت غير الفكاهة ،، خلينى أقولهالك بشكل تانى ،، علشان أوضح قصدى ،، "على المرء أن يحب فالسعادة ليست كل شئ" >إبتسامة< .. بس تعالى هنا .. بطلى تريقة يا باشمهندسه و علقى ع النص .. إيه أجمل بيت عجبك؟؟ .. و إيه أسوأ بيت ف نظرك؟؟ .. عرفينى رأيك!
أه صحيح .. عجبتنى جدا دعوتك الأخيرة .. جميلة .. خصوصا نقطة "غسيلكم يزغلل عين الجيران" .. كترى منها ربنا يخليكى.
السلام عليكم ورحمة الله وبركاته
الرد على مثل هذه الكلمات مغامره صعبه لا اود خوضها.....اي مناقشه راح اعتبرها زائدة....-
لذا...سأكتفى بالتأمل فى صمت
ربنا يوفقك ويسعدك ان شاء الله
تستحق السعاده واكثر
الأيــــام
أهلا أهلا أيام ، إلهام ، أشواق ،صاحبة مدونة روض الإلهام .. منورة أختنا .. يا أيتها الأديبة الأمازيغية الشابة .. بالنسبة للنص فأنا أصلا كتبته سنة 2002 .. و بانشره هنا دلوقت طلبا لأرائكم .. و أنا هنا كى أسمعها ، قولوها أفيدونى _ لا هى مغامرة و لا هى صعبة ، ع فكرة،،، دخلت مدونتك كذا مرة أخرهم أمس فقط ،، طمعا أن أجدك قد ألغيتى طلب تأكيد الصورة ف التعليقات ،، يمنع تعليقى من الموبايل .. ف أحد المرات اضطرنى لكتابة التعليق حوالى 4 مرات .. أنا مش عارف أعلق عندك _ ف انتظار مغامرتك .. يووه .. أقصد ردك.. شكرا جزيلا.
السلام عليكم
لم أقصد أن اقارن بين ما كتبت وشبشب الهنا الا لغرابة الاستخدام لأشياء لم نعتادها فى التعبير ليس الا ,,لذا لزم التنويه
لو على اعتبار أن هذا فقط للمزاح فلا بأس ولكن الموضوع عنوانه بالفعل فى منتهى الجدية وهو ما ينطبق على قصيدة عفاف وهى ما وجدتها مليئة بالمعانى النبيلة
لا أستطيع تحديد أسوأ بيت أو أجمل بيت فهى أدت الغرض وأضحكت وهو ما أردته
لكن اجتماع النيل والفرات للاعجاب بغسيلها فدى صورة أعجبتنى
هل تقصد أن هذه القصيدة ستنشر طوال عام 2009
؟؟؟
السلام عليكم ورحمة الله
كل عام وانتم الى الرحمن اقرب
القصيدة لخبطتتني شوية
لكن افهم من كدة ان فيه حب تظيف صح ولا غلط؟؟
ربنا يرزقك بالزوجة الصالحة التي ترضي بها رب العالمين
تحياتي
السلام عليكم
اولا اود ان اؤكد لك ان السعاده يمكنها ان تأتى مع الزواج ايضا فهى ليس معادله صعبه جدا
اما عن حبل الغسيل فلا يسعنى ان اقول ان دمها خفيف و جعلتنى ابتسم و لكن اى حوراء هذه يا اخى التى هى عودها كالحبل !!
لكن حقا جميله جدا.. اما عن الحب النظيف فأكيد هو موجود حقا دون اللجوء الى تخيلك الرهيب فى نظافته و لكننا متفقين على وجوده و لا ايه ؟؟
سلمت يدك و دام ابداعك
تحياتى
الأيام.. التى تداوى .. الجراح .. ظننت بقولك "خوض مغامرة" بأنك ستفجرين مفاجأة .. غير أن كلامك موزون للغاية و خفيف خفة روحك .. أود أشكرك ع رأيك ف النص ، و وصفك له بأوصاف هى أجمل مما ورد فيه.. >إبتسامة< .. جن عاشق للكتابة!! >يستبد به الضحك< .. تسلمى لصدق وصفك ، بس يعنى هو ماينفعش الجنى ده يكون ملاك؟؟ .. أما عن "روض الإلهام" فأتمنى تغيير و حذف تأكيد الصورة فهو يعيق تعليقى. أشكرك مرة أخرى _ س: ما أجمل جزء أعجبك بالنص؟؟
أستاذة ماجدة: عساك ى تكون ى بخير .. سمعت عن انقطاع النت ف بر مصر كلااااته .. أنا طبعا كذبت الخبر و وصفته ب"الإشاعة المغرضة" .. قلت لهم "دول العالم التالت بس هى اللى يحصل فيها كدا ، إنما مصر لأ لأ لأااااا" .. >يضع يده ع وجهة غير متصور ماحدث< .. دا كبل إيه ده اللى بيتقطع كل شوية ده!! .. و برضه سفينة قطعته ولا المرة دى سمكة طايشة؟! .. >يكتم ضحكة< .. خوفى يكون وصلة مسروقة زى عموم الوصلات ف البلد ، أصل هوه "كما تكونوا يول عليكم" .. أما بالنسبة للنص فأشكرك لرأيك الوجيز المختصر .. شكلى كدا هاعمل مسابقة تانى .. و أه ده بوست 2009 .. شوية عليه سنة واحدة؟ .. طب نورينى .. أخليه 2009_2010 ؟ >إبتسامة مجداوية م الودن للودن< ..
أم يوسف"نونو" .. تسلمى ع دعوتك الحلوة دى .. الحمد لله ربنا رزقنى بزوجة أحسبها صالحة لا أزكى ع الله أحدا.. بالنسبة لسؤالك: ف رأيى إنه طبعا فيه حب نظيف .. طالما أنه لم تدنسه معصية و لم يشينه منكر .. فليس لأنى أحب يعنى أقابلها دون علم أهلها أو أتزوجها عرفى مثلا .. و ده كله باسم الحب .. و إنما أمرنا أن "نأتى البيوت من أبوابها" و كونى أغض طرفى عنها لأحفظها فده "حب نظيف" إن صح التعبير .. و كل عمل ف طاعة الله فهو _لاشك_ نظيف ..
أم ياسمين "روفى" : أوضحتى إمكانية إجتماع السعادة و الزواج .. عموما هنجرب و نشوف .. بس إيه العمل بقى لو اتضح إنكم كنتو بتخدعونى .. >وجه عبوس< .. لكن بجد أنا أعتقد ولا شك أن "خير متاع الدنيا الزوجة الصالحة" .. و أحب شكرك لتعليقك الغنى الوجيز .. و إحنا متفقين طبعا ع وجود مثل هذا ال"حب النظيف".. طالما تنزه عن كل منكر ممكن يبقعه و طالما ملأت المساحيق الأسواق .>إبتسامة<
أهلا أهلا يا حج أحمد ، صديق صدوق ؟ .. بتعلق ف المدونة بعد سنة و نص من معرفتك بيها و تقولى صدوق؟؟ ماشى هاعديها ولا كإنى سمعت .. إيه بقى حكاية الكتاكيت دى؟! إسمع منى: أنا بتاع كتاكيت و بقر و جاموس و خيل و أسود و نموره إن لزم الأمر و بتاع ناس لسانها طويل برضه .. ما يخسرشى ، و بعدين عايز تتبرأ من كونك بيطرى؟ .. طيب أنا بأعلى صوتى أهه و اقول : "أنا طبيب بيطرى والحمد لله" ، ع الأقل مافيش كتكوت لسانه طويل زى ناس ، لم نفسك شوية ، أل صدوق أل ، روح شوف مدونتك اللى بتسيب فيها التعليقات لحد ما تحمض ، أل و عامل إشراف ع التعليقات! ،، هو فيه حد علق أصلا؟؟ _._._ أما عن النظافة ف الحب فإنت الصراحة شرفتنا برأيك المأندل ده >إبتسامة إجبارية< .. يا ريت تكتر منه >نظرة نارية< .. و بعدين فيها إيه لما العروسة تبص للشقة ، أومال عايزها تسكن ف الشارع!! إيه يا خويا الناس دى .. و لا عايزها تتجوز بدون شبكة!!! أما الموبايل فده معاها أصلا ، ما كل الدنيا معاها موبايل .. دلوقت بيبصو للماس و المرجان و الياقوت .. طبعا عامة الشعب أمثالك و الدهماء و الغوغاء ما سمعش عن الحاجات دى .. بص إسمع منى " الإنسانة منهم لو شايفه واحد راجل يملا عينها ما بتفكرش ف أى حاجة تانية هو عندها بالدنيا" .. بص ل نفسك يا أستاذ _._._ ف النهاية: باعتذر يا حج أحمد لو قلت حاجة تضايقك >يبدأ ف عدهم: يا نهار دول كتير أوى< بأعتذر طبعا و مش هاحذفهم برضه ، بس ده لسببين :1 ما اعرفش ليه باحب أبهد...يوووه أقصد أناغشك .. صدوق بقى . 2 علشان أستفزك للدخول مرة تانية .. خليهم مرتين ف السنة .. أل صدوق أل.. >يضرب كفا بكف<
السلام عليكم
لعل المانع خيرا ؟؟؟
الحمد لله أم نسمة .. خيرا .. فكما أخبرتك من قبل فالإنشغالات تأتى مجتمعات .. معلش تصحيح لتعليقى الأخير بمدونتك .. قصيدة الخراف ليست ما قصدت أنا .. ربما خانتنى الذاكرة غير أنى أحفظها و مطلعها يقول : "قال :ماالشئ الذى يمشى كما تهوى القدم؟ .. قلت :شعبى.." أود أن ترجعى لها بعد التصحيح ، هذا و إن كانت ال"خراف" قد عبرت أيضا _دون قصد_ عن القصد.
السلام عليكم
برجاء قراءة تدوينتي الأخيرة واعطائي رأيك للآهمية
مع الشكر
السلام عليكم
حقيقة مش عارفة أقول ايه لكن والله معنديش نفس أضحك ولا أبتسم حتى..
المفروض أرد بطريقتك
لكن اللي فهمته ان ده سكوت ,,موت ,, عزوف عن الكلام ,,لا تعليق ,, مليش دعوة ..
يا ريت ترد هنا بلغة الكلام وتفهمني الاشارة معناها ايه ؟؟
أم نسمة الأخت الصغرى : القلوب عند بعضها فقد تصفحت النت أمس و ذهبت أول ما ذهبت لمدونتك ، قرأت موضوعك و ذهبت للتعليقات ، مالقيتش كلام ينفع يتقال .. و هذا ما تركته بالضبط هناك _ ثم اليوم إنقلبت لمدونتى فإذا بى أجد تعليقك هذا . و هو شئ كبير عندى أن تدعيننى لقراءة شئ كتبتيه أنتى ، شكرا جزيلا ، إعلمى أنى ما يأخرنييش عنك إلا الشديد القوى .. و لعلى أجد ما أقول غدا بموضوعك الأخير .. سلامى لكى
ازيك يا دكتور
ما جاء بى الى هنا تعليقك عند مجداويه واعجبنى جدا التعليق .. لاننا يجب ان نعلن الحرب على انفسنا اولا وحتى نطهر انفسنابالبرسيل والاوموا والسافوا واخيرا بالآريال
مشكلتنا فعلا فى نفسنا وفى حناجرنا وفى اقلامنا
تحياتى يا دكتور
أهلا بك فشكول _ ألف أهلا _ نورتنا _ و لعلى أشكر مجداوية و مدونتها _حلقة الوصل بين الناس _ أشكر لك حضورك _ و بداية التواصل بإذن الله _ و لعل ما قلته عند مجداوية أقتنع به تماما _ فإن صلح حال الشعب فأراد الحياة فالله لن يضيعه _ مرحبا بك مرة تانية فشكول.
الكيان الإرهابي الصهيوني أعد لنا جيشاً من المدونين فأين جيشنا ؟
وَأَعِدُّوا لَهُمْ مَا اسْتَطَعْتُمْ مِنْ قُوَّةٍ ,,, كلنا مقاومة
http://kollonamoqawma.blogspot.com/
د. محمد .. تحياتى
اسعدنى جدا تعليقك واطلاعك
ذكرت انك قرأت معلومه تشير الى ان الكنعانيين اصلهم من يافث وهذا مذكور للكاتب صاحب كتاب موجز تاريخ العالم وتذكر انك نسيت اسمه .. وهذا الكاتب يسمى : هـ . ج . ويلز ترجمة عبد العزيز توفيق جاويد وهذا الكتاب عندى .. واعرفك بان هذا الكاتب هو اصلا كاتب خيال علمى ومن اهم كتاباته آلة الزمن والرجل الخفى وحرب الكواكب واراد ان يثبت لقراءه انه يعرف ايضا فى التاريخ فالف هذا الكتاب .. ولكن يا صديقى لا يعتمد عليه كمرجع موثق يمكن الاخذ منه .. ولكن يوجد بالكتاب معلومات قيمه حتى لا نبخسه حقه ..
تحياتى يا دكتور
فشكول: أهلا بك .. أيوااا هو ويلز _ تبدو لى متخصص ف التاريخ أو ع الأقل قارئ عاشق له .. لذا أحب أسألك .. ما أفضل كتاب يرجى إقتنائة يتكلم عن الحضارات و هجرات البشر ع مر التاريخ و أصول البشر .. دى منطقة أحب أقرأ فيها _ سؤال كمان إن أذنت لى: هل ما ذكرته أنا ف تعليقى من هجرة بعض هذه القبائل لإيطاليا و بعضها لفلسطين .. هل هى معلومةصحيحة يعتمد عليها؟! _ مشكور مرة أخرى لمتابعة الرد و التعليق.
السلام عليكم
يا دكتور محمد
نعلم مقدار انشغالك ونعلم ايضا انك تتعامل مع النت من خلال الموبايل فلن نكلفك فوق طاقتك ولكن هو طلب بسيط ان تضع بانر المدونة لديك والتنويه عن موضوعاتها الجديدة فهذا سيكون دعما منك كبيرا
وقد اعلنا عن مسابقة فنرجو ان تتابعنا
ولك خالص الشكر والتقدير
دكتور محمد .. تحياتى
بتجرنى وراك لمناقشه طويله ومفصله عن حقائق نحيتها جانبا .. لكن لأن السؤال مهم ..
بسم الله اقول اللى عندى ورزقى على الله
بالنسبه لسيدنا موسى
نعم هم كانوا يعترفون بانه رسول ونبى ولكنهم كانوا يعتبرونه قائدا لهم ايضا ولانهم بتوع(اذهب انت وربك فقاتلا انا هاهنا قاعدون)كانوا يلقون بالاحمال كلها على سيدنا موسى عليه السلام .. اما بالنسبه لنا وايماننا بموسى ورسالته فحدث ولا حرج
بالنسبه لحرق المدينه التى غزاها يوشع بن نون وقتل اهلها .. بيقول ابن كثير فى قصص الانبياء ص 340 ط مطبعة المنصوره انه قتل فى طريقه الى اريحا 12000 الف رجل وامرأه .. لكن انا عندى اشكاليه فى حكاية اريحا دى .. يعنى ايه اللى وداه اريحا فى الشرق خالص وهو كان فى الغرب خالص وبينهم وبين بعض صحراء النقب .. طبعا يمكن الاشكاليه دى محلوله .. لكن انا اللى جاهل ومش عارف عنها حاجه .. لكن حاحاول اعرفها ..
تحياتى يا دكتور
لا تنسوا الدعاء لأختى الشهيده هديل وجميع شهداء بلدى ( عمرو ، إيمان ، هاجر ، مروه ،أحمد، أحمد)
السلام عليكم
لي تعقيب على تعليقك الأخير في موضوع شوية صور فارجو قراءته والرد عليه
مجداوية:أولا: كالعادة .. أشكرك ع سؤالك الدائم .. ثانيا: بالفعل أنا لحد ما مقصر كما فصلتى ف تعليقك .. لا أدعى إنه ضيق الوقت فلا أقتنع بهذا .. غير أن هناك أسباب أخرى أخشى مع ذكرها يظن البعض أنى أتفاخر أو حتى مجرد إنى أتكلم عن نفسى .. و والله الموضوع الجديد مكتوب بالفعل و منعنى عن نشره نفس الأسباب التى لا داعى لذكرها .. و لعلها تلاشت الأن و لعلك تجدينى بدأت المشاركة من جديد .. و قريبا قبل نهاية الأسبوع ستجدى موضوعا جديدا له علاقة و ثيقة بالسبب الرئيسى الذى منعنى جزئيا عن المشاركة الفعالة بالفترة الماضية .. و لعلنا نتواصل و أفصح لكى عن السبب إن أردتى _ أكره إنى أكون غامض _ و لعلك تستشفيه من الموضوع القادم .. فقط إعرفى إنى متابع كل ما تكتبيه من تدوينات .. و موضوعك "شوية صور" ذكرت إنى دخلت كذا مرة و لم أعلق إلا بالمرة الأخيرة .. أود أشكرك مرة تانية لحسن متابعتك يا أم نسمة.
هذه من أطرف وأظرف القصائد التى قرأتها ...مع انى كتبت واحدة اسمها "فى حب باتعة" كانت كوميدية أيضا ولكنى أجد هذه أحلى ...ابقى اتفضل عندنا بس ارجع لورا شوية تجد الشعر والزجل الكوميدى ..سأعود لأقرأ باقى انتاجك
لك مودتى
إرسال تعليق