*نحن لا نعيش حياتنا بل نتعلم فيها كيف نعيش؟
كيف نعيش.. اها .. معقول جدا .. فلا يزال الرجل عالما طالما يطلب العلم , حتى إذا قال: "علمت".. فقد جهل.
*بكلمة واحدة فقط أكتب تعريفا لكل كلمة من الكلمات الأتية:
الوطن: أنا .. و انت .. و ر...نا –إمتنع عن تكملتها المتماشية مع الفلكلور المصرى المعهود- لكن بجد ..
"الوطن مش كوم تراب
و لاهوش مبانى أو حيطان ..
و لا هو حبة شوارع طالعة من جوا ميدان ..
الوطن يعنى انتماء".
و الانتماء يكون حيث النماء
-ينظر باستغراب- ده كله كلمه واحده فقط؟!!! أومال لو كلمتين!!!
الأم:سعادتى , هى منى و أنا منها , إمرأة حقيقية , ست الكل , حبيبتى.
الإنترنت: دقة قديمه لجيل يأتى بعد 50 سنة.
أمريكا: كراهية و إعجاب.
المرأة: قلب حلوٌ جامح.
الحب: شعور رائع خارج نطاق العقل.
الصمت: عبادة مع ذاتك.. أما مع الناس فالكلام أولى من الصمت , الصمت حينها يسلبك حقك أحيانا ..و أما من يقول لك "اعمل فى صمت" ماتصدقهوش.. إلا مع من يقدر عملك مع صمتك .. و ده بقا مش موجود حاليا فى الأسواق.. باختصار مهم أن تعمل و مهم أن تقول و.. مهم.. جدا ..كيف تقول.
الليل: حيـــــــــــــــــاة.
*إختر منصبا و اتخذ قرارا؟
ملك .. ل جمهورية مصر العربية .. و قرارى إنى أقلبها "مملكة" .. ماهو حاجة بالعقل كدا .. مايصحش أكون أنا ملك و هى جمهورية!! .. مش ستايل خالص .. و أخلى إبنى ولى العهد و الوريث .. أو حتى بنتى و تبقى "ولية" العهد .. عقد نقص بعيد عنك.
*قيس و عنترة و جميل هم الذين يقولون الشعر .. و ليلى وعبلة وعزة صموت .. لماذا هذا التغييب للمرأة؟
تغييب!!! أعترض .. ليس تغييبا .. إنما غياب .. ليس فى الجانب الأدبى فقط كما لمحت فى سؤالك ..إنما على مدى تاريخ العلم فى عصوره المختلفه منذ فجر العلم على شاطئ وادى النيل حتى عصر الذرة و الفضاء مرورا بعصر النهضة و الطفرة العلمية الهائلة التى حدثت به .. أقول على مدى هذا التاريخ لم يطف اسم امرأة على السطح .. إلا ما كان من اسم "مدام كورى" و كانت مع زوجها فى مسيرتها العلمية و ياريتها جابت للدنيا حاجة عدلة .. دى اكتشفت النشاط الاشعاعى و الراديوم .. اللى كان خطوة ف طريق صنع القنبلة الذرية .. يعنى جات تكحلها .. ده ف الناحيه العلميه. و على ذلك قس ..
إنما فيه نقطة و الحق يقال .. إن .. غياب المرأة على السطح ليس إلا لانشغالها بمهام أخرى لا تقل عن مهام الرجل -حقيقة لا تزيينا للفظ- فشجرة الحياة مرتفعة الأغصان وارفة الظل لا يرى جذرها .. غياب الجذر و عدم رؤيتنا له ليس تغييبا , و إنما غيابا عن السطح لغرض مهمة أخرى لا تقل عن مهمة الأغصان .
إنما الغريب جدا و اللى أنا مش لاقي له سبب الصراحه هوغياب المرأة العصريه-إن صح التعبير- حتى فى التخصصات المنوطه بالمرأة نفسها .. فأشهر مصممى و ملوك بيوت الأزياء هم من الجنس الذكرى .. و أشهر الطهاة و الشيفات(جمع شيف) هم ذكورأيضا .. و أشهر مصففى الشعر و الماكيير هم رجال .. إلخ
لطيفة: فى مناقشه لى مع "أمولة" مساها الله بالخير فى مدونتها .. ذكرت لها أنه حتى أشهر الطهاة رجال ..و ضربت لها مثال بالشيف أسامه .. فأجابتنى ع الفور بأن هذا لا يهم فـ"أم أسامه" أكيد هى من علمته فن الطبخ .. -يتذكر و يبتسم- فسكت و لم أتكلم . فلم أر إجابة أبسط وأكثر إفحاما من هذه الإجابة.
إنما الأغرب من كل ما قيل .. أنك .. أنت .. يا من وضعت السؤال .. أنت من غيبت المرأة فى سؤالك!! ..
فرغم ذكرك لـ"جميل" فإنك لم تذكر "بثينة" فإنما نعرفه بـ"جميل بثينة" -إبتسامة- ليس هذا و حسب .. بل غيبت رجل مثل "كُثَيِّــر" فهو "كثير عزة".
فيه بقا كدا .. نقطة أخيرة .. نهدى رتم الكلام.. شوية.. القصص التى ذكرت فى السؤال .. انتهى جلها بالفراق , فى رأيى إن .. الفراق .. بيعنى للرجل .. أكثر .. مما يعنى للــ .. للمرأة .. و مع تأكيدى على إنه "عسى أن تكرهوا شيئا و هو خير لكم" و "إختلاف النهار و الليل يـُنسى" إلا انه الفراق يظل بيعنى للرجل أكثر مما يعنى للمرأة .. فالمرأة رغم اخلاصها .. و اخلاصها العميق .. إلا إنها مخلصة للحب ذاته .. لا لشخص بعينه" .. و لعل الفكرة دى بحذافيرها أوضح فى كتاب " المرأة فى القرآن" للعقاد .. ف فراق شخص عندها ليس له التأثير الذى عند الرجل .. فكل ما نعرف من قصص من أول "روميو و جولييت" و "أنتونيو و كليوباترا" و مرورا بـ"عنتر و عبلة" و "قيس و ليلى" و "جميل و بثينه" و "كثير و عزة" و"عروة و عفراء" و "شمشون و دليلة" و "كليلة و دمنة" –ينظر باستغراب- لأ كليلة و دمنة دى بره الموضوع خالص .. أه .. و "حسن و نعيمة" .. و انتهاءا بـ "عمر و سلمى" و "أحمد حلمى و نور" .. كل قصة منهم انتهت بفراق تجد ان بقية القصة و الجانب المأساوى فيها يركز ع الرجل دون المرأة .. مثلا مثلا .. خذ عندك .."قيس" ممن ذكرت .. حيث يروى أنه فيما بعد أصيب بالجنون و هام على وجهه حتى عثر على جثته بعد أيام بعيدا عن دياره .. أما "ليلى هانم" فلم تذكر عنها القصة شيئا .. ليه؟ لإنه ببساطه .. الناس لا يقصون الأحداث العادية من القصه من إنها "إتجوزت" و خلفت و "سافرت" مع "جوزها" و بقت "ملكة ف بيتها" .. و كل ما تيجى سيرة قيس "تضحك ف سرها" .. و لذا ف"قيس" بؤرة الحدث وقلب المأساة .. و الأسى قرين الإبداع . أما "الست ليلى" فغائبه .. عايشه حياتها .. و ليست مغيبه كما تدعى.
* هل تجد علاقة بين المرأة و قطاع الطرق؟
طبعا .. و علاقه وثيقه كمان , أنا كنت نازل مصر أجازتى الأخيرة بنهاية السنه الماضية .. بافكر .. أخطب و لا مااخطبش؟ .. أخطب و لا مااخطبش؟ ..فلما شاهدت الفتاه التى هى الأن زوجتى .. حسمت الأمر , و "قطعت جهيزة قول كل خطيب" .. و قطعت عروسى علىَّ كل طريق و كل محاولة لتفكير .. و كأن الله وضع بها آثار كل دعوة كانت لى .. دعوته بها لأجْـلها ولأجْـلى.. و كونها طبيبة لا يمنع كونها "قاطعة طريق".
* هذا فراق بينى و بينك .. متى و لمن تقولها؟
بعد الثانوية العامة أصابنى بعض اليأس .. أفقدنى توازنى .. ظننتها نهاية المطاف .. و اتعلمت منها بجد أكبر درس بحياتى .. "هذا فراق بينى و بينك" أقولها لكل لحظة يأس مرت أو قد تمر بحياتى .. و أردد ما قاله صلاح جاهين:
يأسك و صبرك بين إيديك و انت حر
تيأس ما تيـــــأس .. الحيــاة راح تمر
أنـــــا دقــت من ده و من ده ..عجبى
لقيت الصبر مر ..و برضك اليأس مر
* كيف هو غدا؟
ما بافكرش فيه كتير .. أو باحاول ما افكرش .. "عش فى حدود يومك" .. و "لا تعبر جسرا قبل أن تصله"
*لمن تهدى التاج؟
إلى كل من تفضل بالتعليق مشكورين غير مجبورين.
***
جميل الشعر
ذاق قلبى –فتمادى- لذة الشوق جليا
غير أن الشوق عندى ليس شوقا روتينيا
لا لأن الشوق نارٌ أو لأن البعد جمرُ
بل لأن إليكى شوقى
أنت .. واحدة لدىَّ
كيف نعيش.. اها .. معقول جدا .. فلا يزال الرجل عالما طالما يطلب العلم , حتى إذا قال: "علمت".. فقد جهل.
*بكلمة واحدة فقط أكتب تعريفا لكل كلمة من الكلمات الأتية:
الوطن: أنا .. و انت .. و ر...نا –إمتنع عن تكملتها المتماشية مع الفلكلور المصرى المعهود- لكن بجد ..
"الوطن مش كوم تراب
و لاهوش مبانى أو حيطان ..
و لا هو حبة شوارع طالعة من جوا ميدان ..
الوطن يعنى انتماء".
و الانتماء يكون حيث النماء
-ينظر باستغراب- ده كله كلمه واحده فقط؟!!! أومال لو كلمتين!!!
الأم:سعادتى , هى منى و أنا منها , إمرأة حقيقية , ست الكل , حبيبتى.
الإنترنت: دقة قديمه لجيل يأتى بعد 50 سنة.
أمريكا: كراهية و إعجاب.
المرأة: قلب حلوٌ جامح.
الحب: شعور رائع خارج نطاق العقل.
الصمت: عبادة مع ذاتك.. أما مع الناس فالكلام أولى من الصمت , الصمت حينها يسلبك حقك أحيانا ..و أما من يقول لك "اعمل فى صمت" ماتصدقهوش.. إلا مع من يقدر عملك مع صمتك .. و ده بقا مش موجود حاليا فى الأسواق.. باختصار مهم أن تعمل و مهم أن تقول و.. مهم.. جدا ..كيف تقول.
الليل: حيـــــــــــــــــاة.
*إختر منصبا و اتخذ قرارا؟
ملك .. ل جمهورية مصر العربية .. و قرارى إنى أقلبها "مملكة" .. ماهو حاجة بالعقل كدا .. مايصحش أكون أنا ملك و هى جمهورية!! .. مش ستايل خالص .. و أخلى إبنى ولى العهد و الوريث .. أو حتى بنتى و تبقى "ولية" العهد .. عقد نقص بعيد عنك.
*قيس و عنترة و جميل هم الذين يقولون الشعر .. و ليلى وعبلة وعزة صموت .. لماذا هذا التغييب للمرأة؟
تغييب!!! أعترض .. ليس تغييبا .. إنما غياب .. ليس فى الجانب الأدبى فقط كما لمحت فى سؤالك ..إنما على مدى تاريخ العلم فى عصوره المختلفه منذ فجر العلم على شاطئ وادى النيل حتى عصر الذرة و الفضاء مرورا بعصر النهضة و الطفرة العلمية الهائلة التى حدثت به .. أقول على مدى هذا التاريخ لم يطف اسم امرأة على السطح .. إلا ما كان من اسم "مدام كورى" و كانت مع زوجها فى مسيرتها العلمية و ياريتها جابت للدنيا حاجة عدلة .. دى اكتشفت النشاط الاشعاعى و الراديوم .. اللى كان خطوة ف طريق صنع القنبلة الذرية .. يعنى جات تكحلها .. ده ف الناحيه العلميه. و على ذلك قس ..
إنما فيه نقطة و الحق يقال .. إن .. غياب المرأة على السطح ليس إلا لانشغالها بمهام أخرى لا تقل عن مهام الرجل -حقيقة لا تزيينا للفظ- فشجرة الحياة مرتفعة الأغصان وارفة الظل لا يرى جذرها .. غياب الجذر و عدم رؤيتنا له ليس تغييبا , و إنما غيابا عن السطح لغرض مهمة أخرى لا تقل عن مهمة الأغصان .
إنما الغريب جدا و اللى أنا مش لاقي له سبب الصراحه هوغياب المرأة العصريه-إن صح التعبير- حتى فى التخصصات المنوطه بالمرأة نفسها .. فأشهر مصممى و ملوك بيوت الأزياء هم من الجنس الذكرى .. و أشهر الطهاة و الشيفات(جمع شيف) هم ذكورأيضا .. و أشهر مصففى الشعر و الماكيير هم رجال .. إلخ
لطيفة: فى مناقشه لى مع "أمولة" مساها الله بالخير فى مدونتها .. ذكرت لها أنه حتى أشهر الطهاة رجال ..و ضربت لها مثال بالشيف أسامه .. فأجابتنى ع الفور بأن هذا لا يهم فـ"أم أسامه" أكيد هى من علمته فن الطبخ .. -يتذكر و يبتسم- فسكت و لم أتكلم . فلم أر إجابة أبسط وأكثر إفحاما من هذه الإجابة.
إنما الأغرب من كل ما قيل .. أنك .. أنت .. يا من وضعت السؤال .. أنت من غيبت المرأة فى سؤالك!! ..
فرغم ذكرك لـ"جميل" فإنك لم تذكر "بثينة" فإنما نعرفه بـ"جميل بثينة" -إبتسامة- ليس هذا و حسب .. بل غيبت رجل مثل "كُثَيِّــر" فهو "كثير عزة".
فيه بقا كدا .. نقطة أخيرة .. نهدى رتم الكلام.. شوية.. القصص التى ذكرت فى السؤال .. انتهى جلها بالفراق , فى رأيى إن .. الفراق .. بيعنى للرجل .. أكثر .. مما يعنى للــ .. للمرأة .. و مع تأكيدى على إنه "عسى أن تكرهوا شيئا و هو خير لكم" و "إختلاف النهار و الليل يـُنسى" إلا انه الفراق يظل بيعنى للرجل أكثر مما يعنى للمرأة .. فالمرأة رغم اخلاصها .. و اخلاصها العميق .. إلا إنها مخلصة للحب ذاته .. لا لشخص بعينه" .. و لعل الفكرة دى بحذافيرها أوضح فى كتاب " المرأة فى القرآن" للعقاد .. ف فراق شخص عندها ليس له التأثير الذى عند الرجل .. فكل ما نعرف من قصص من أول "روميو و جولييت" و "أنتونيو و كليوباترا" و مرورا بـ"عنتر و عبلة" و "قيس و ليلى" و "جميل و بثينه" و "كثير و عزة" و"عروة و عفراء" و "شمشون و دليلة" و "كليلة و دمنة" –ينظر باستغراب- لأ كليلة و دمنة دى بره الموضوع خالص .. أه .. و "حسن و نعيمة" .. و انتهاءا بـ "عمر و سلمى" و "أحمد حلمى و نور" .. كل قصة منهم انتهت بفراق تجد ان بقية القصة و الجانب المأساوى فيها يركز ع الرجل دون المرأة .. مثلا مثلا .. خذ عندك .."قيس" ممن ذكرت .. حيث يروى أنه فيما بعد أصيب بالجنون و هام على وجهه حتى عثر على جثته بعد أيام بعيدا عن دياره .. أما "ليلى هانم" فلم تذكر عنها القصة شيئا .. ليه؟ لإنه ببساطه .. الناس لا يقصون الأحداث العادية من القصه من إنها "إتجوزت" و خلفت و "سافرت" مع "جوزها" و بقت "ملكة ف بيتها" .. و كل ما تيجى سيرة قيس "تضحك ف سرها" .. و لذا ف"قيس" بؤرة الحدث وقلب المأساة .. و الأسى قرين الإبداع . أما "الست ليلى" فغائبه .. عايشه حياتها .. و ليست مغيبه كما تدعى.
* هل تجد علاقة بين المرأة و قطاع الطرق؟
طبعا .. و علاقه وثيقه كمان , أنا كنت نازل مصر أجازتى الأخيرة بنهاية السنه الماضية .. بافكر .. أخطب و لا مااخطبش؟ .. أخطب و لا مااخطبش؟ ..فلما شاهدت الفتاه التى هى الأن زوجتى .. حسمت الأمر , و "قطعت جهيزة قول كل خطيب" .. و قطعت عروسى علىَّ كل طريق و كل محاولة لتفكير .. و كأن الله وضع بها آثار كل دعوة كانت لى .. دعوته بها لأجْـلها ولأجْـلى.. و كونها طبيبة لا يمنع كونها "قاطعة طريق".
* هذا فراق بينى و بينك .. متى و لمن تقولها؟
بعد الثانوية العامة أصابنى بعض اليأس .. أفقدنى توازنى .. ظننتها نهاية المطاف .. و اتعلمت منها بجد أكبر درس بحياتى .. "هذا فراق بينى و بينك" أقولها لكل لحظة يأس مرت أو قد تمر بحياتى .. و أردد ما قاله صلاح جاهين:
يأسك و صبرك بين إيديك و انت حر
تيأس ما تيـــــأس .. الحيــاة راح تمر
أنـــــا دقــت من ده و من ده ..عجبى
لقيت الصبر مر ..و برضك اليأس مر
* كيف هو غدا؟
ما بافكرش فيه كتير .. أو باحاول ما افكرش .. "عش فى حدود يومك" .. و "لا تعبر جسرا قبل أن تصله"
*لمن تهدى التاج؟
إلى كل من تفضل بالتعليق مشكورين غير مجبورين.
***
جميل الشعر
ذاق قلبى –فتمادى- لذة الشوق جليا
غير أن الشوق عندى ليس شوقا روتينيا
لا لأن الشوق نارٌ أو لأن البعد جمرُ
بل لأن إليكى شوقى
أنت .. واحدة لدىَّ
هناك ١٥ تعليقًا:
مدام كورى ؟ بس ؟؟
وعموما لو هى بس يعنى
وهى اللى اكتشفته شويه ؟
دة هو دة الاكتشاف اللى ولا حاجه تسوى بعدة
الوليه كتر خيرها اخترعت دمار البشريه
مبروك عليك الزوجه الطيبه الواعيه وبعدين هى قطعت عليك الطريق لحاجه وحشه ؟
الست كتر خيرها لمتك من التشرد والانحراف الى طريق الرزيله
عارف ... أتضح ان ماهو خارج نطاق العقل
له منطق وحجج عقليه
بتغيييييب كتير يا دكتور
تحياتى لك
السلام عليكم
متهيألي المعلومات عن المرأة المتفوقة محتاجة آب ديت في الطبيخ فيه ريتشل راي ومارثا والاتنين لهم برامج من أشهر برامج الطبخ ده غير مليون مليون مليون ست (عد لحد بكرة) تاكل صوابعك ورا أكلهم ورجالتهم ميعرفوش حاجة غير الغرف كمان وكمان والستات دول أشهر من أشهر طباخ وأشطر من أشطر طباخ عالمي أو عالمك أو عالمنا كلنا وهن كل أمهاتنا يعني أم مجداوية وأم الدكتور محمد وام أسامة وأم سيد وأم علي دى كفاية أم علي دي أشهر من نار على علم
أنا باتكلم جد رغم ان المفردات هزار لكن دى الحقيقة الست متفوقه في الطبيخ لكن العوامل الاجتماعية هي اللي خلت الشيف اسامة يبقى اِهر من أم اشامة ,,سمعت عن أكل أم محمد اللي الناس كلها تعرفها على الطريق الزراعي !!دي أشهر من بانتلي الايطالي بس هي الحظوظ
:)
هي الست سابت حاجة ومدستش مناخيرها فيها أهو كلامك ده اللي قوم جمعيات حقوق المرأة وخلاها تتغاظ وبقت عايزة تنافس الراجل في كل حاجة وتاخد وظايفه وتخليه هو اللي يقعد في البيت يربي العيال عشان همشها وأخذ فرصتها ونجح وهي لأ
اعمل آب ديت للمعلومات دي ربنا يجعل كلامك خفيف عليهم
انت متعرفش ان ليلى اتطلقت من جوزها عشان كانت بتنده باسم قيس وهي نايمة انت ظلمتها اهي الست اتشردت من بعد موته وكان موت وخراب ديار
:)
أما لا تعبر جسرا إلا عندما تصله فالعبارة دي استفزتني أوي ماهو حيعبره ازاى الا لما يصل اليه ده عبارة مش منطقية ومستفزة ممكن تقول لا تعبر جسرا متهالك الا وانت تربط نفسك جيدا أو لا تعبر جسرا لا تعرف نهايته أو لا تعبر جسرا الا وأنت تعرف ماذا ينتظرك على الجانب الآخر حاجة زى كده بس اظاهر اللي قاله غاوي ينصح وخلاص
اوعي تكون انت اللي قايله
:)
سلامي الى قاطعة الطريق الطبيبة التي استطاعت أن تتفوق ويكتب اسمها في سجل المشاهير في الطبيخ وكل أعمال الأمومة ورعاية المرضى والأصحاء
وفهمنا لماذا سميت التاج خارج حدود العقل فالزواج اكمال للدين وغيلب كلي للعقل
:)
:)
نتكلم جد بقى
كل زوجة صالحة وكل أم ترعى الله في أولادها هي أشهر من نار على علم لأن الجنة تحت أقدامها
خلينالكم شهرة الدنيا اشبعوا بيها
روح غيظ بيها بتوع حقوق المرأة
عشان تولع فيهم,, قادر يا كريم
السلام عليكم
ازيك يا دكتور ؟؟
دائما اجاباتك تنظر الى المستقبل البعيد .. عجبنى تعريفك للانترنت بأنه دقه قديمه بعد 50 سنه .. :)
ايضا ان الليل حياه .. فعرفت انك مثلى تعشق الليل و لكنى مع هذا اعشق النهار ايضا و اتمنى ان لا تغرب الشمس سريعا .. ربما لأن غروبها يعنى ان يمضى يوما ربما لم اشعر به اننى قد انجزت شىء ما مهما ..
اجاباتك متميزه كشخصيتك ..
بارك الرحمن لك فى زوجتك و بارك لها فيك و جمعكما على كل الخير دائما ..
تحياتى دوما
صفاء: الولية؟.. و لمتنى؟ .. يانهار .. >يتبسم ضاحكا من .. اللفظ< .. ماشى يا ستى .. لمتنى .. أنا راضى .. بس احنا لسه ما اتلمناش ع بعض .. دعواتك بقا ببيت صغير يلمنا .. هو فيه أحسن م اللمة! .._.._.. خلى بالك مدام كورى الاكتشاف باسميهما سويا هى و زوجها "كورى أفندى" .. و أكيد طبعا جوزها هو ال طلع عينه ف الاكتشاف و أحب يسعدها فزنق اسمها مع اسمه >يبتسم< .ربنا يخليهن لينا يا رب حتى فناء البشرية >يقول ف سره: ع أيديهن طبعا<
مجداوية: _1_ تم الآبديت .. >ابتسامة خائف مترقب< .. ربنا يخلي لنا أم أسامة و أم على و أم نسمة كمان .. الستات رياحين الحياة .. _2_ ليلى؟ إتطلقت؟ ههه _ لأ يا ستى _ طلعت و نفت الخبر قائلة إنه إشاعة مغرضة .. و انها ما تعرفش أصلا حد اسمه قيس و انه مالهاش عم أسمه أبوقيس .. ومالهاش أعمام أصلا .. _3_ "لاتعبر جسرا قبل أن تصله".. عارفه قصة "بائعة البيض"؟ .. بيضه ف فرخة ف معزة فبقرة فجمل _وقع البيض اتكسر انهد التفكير كله! .. واحد شاف جسر ع مرمى بصره فعبره ف تفكيره و فكر فيما بعد العبور _ وقع اتكسرت رجله .. الأصل .. الحياة خطوة خطوة .. لن ينوبك التفكير ف الخطوة رقم 10 إلا زيادة قلقك بشأنها .. ده المقصود .. و نحذفها خالص لو هتستفزك يا باشمهندسة .. عموما مش أنا اللى قايله .. ده "كارنيجى" صاحب أكثر كتاب توزيعا ف العالم ف عصره .. و حاجة ف سرك _ القاعدة دى قاعدة حياة عندى _ استعملتها كتير جدا ._ طيب _ عموما _ سلامك يوصل بإذن الله.. و بافكر بعد ملاحظتك أغير اسم البوست ل "غياب كلى للعقل" >إبتسامة< .
أم مريم: تسلمى لملاحظاتك _ خصوصا إنها بعيدا عن موضوع تغييب المرأة .. الليل فعلا حياة .. رائعة .. فيه الإنسان بيقرب من ذاته .. متعتى أقضى الليل ف قراءة كتاب و استمع للبرنامج العام _ ذكريات من زمن فات .. الله يرحمها أيام بقا _ _ _ تسلمى ع دعوتك الراقية الجميلة بنهاية تعليقك.
لا بجد كدة يا دكتور ان بتزرع فى المرأة كل نقيصه وتنزع منها كل صفه
يعنى احنا مش جبابرة يعنى
ربنا يكرمك كدة وتتجوز وتفرح بحياتك وتغير كل أرائك دى
(جبر وغصب وأكراة يا عينى)
نيييهههااا
وش شرير بيضحك بأستمتاع متلذذ
صفاء: جبر و إكراه !! يانهار .. لا مش انا >يخبط الطربيزة بكفه متظاهرا بالغضب< .. >يتلفت حوله ثم يهمس< .. مش انا اللى اتجبر يا أستاذة .. _.._.. _بالنسبه للنقيصة و الإلصاق _ أنا عمرى ما أفكر كدا .. لإن المرأة هى أمى قبل ما تكون زوجتى .. أنا فقط عللت غياب المرأة و عدم ظهورها ع السطح _سطح الأحداث مش سطح البيت_ بإن لها وظيفة أخرى جليلة .. تحترم _ومثلتها بالجذور بالنسبة لشجرة الحياة _ فهى غير ظاهرة . و لست أدرى أيها أكثر أهمية .. الجذور أم الفروع و الأوراق .. غير أنى أعرف أن الشجرة تتخلى عن أوراقها أحيانا غير أنها لا تتخلى عن الجذور أبدا .. بس فيه سؤال الصراحة أثاره كلامك: هو فيه علاقه بين الجواز و إنى أفرح بحياتى؟ .. سبحان الله أنا كنت فاكر إنهم لا يجتمعان .. >يحاول كتمان ضحكته< .. يانهار >يدرك فداحة ما قال _يحاول مسحه_فلا يجد الأستيكة<
السلام عليكم و رحمة الله و بركاته
مع إحترامى للبوست بس الظاهر دماغى لسه مغلقة بسبب الامتحانات مش عارفه ليه حسيت انى مش فاهمه شئ خالص ...
بس أستوقفتنى الأبيات
قاله صلاح جاهين:
يأسك و صبرك بين إيديك و انت حر
تيأس ما تيـــــأس .. الحيــاة راح تمر
أنـــــا دقــت من ده و من ده ..عجبى
لقيت الصبر مر ..و برضك اليأس مر
كلمات صـلاح جاهين دايما وتر حساس ..
غريبة بلا شطآن .. فورينر ويز نو هوم .. لوست ويز نو كوست .. ترافيللر ويز نو ديستيناشون .. فأنتى غريبة إن صدق حدسى .. العود أحمد .. بالنسبه للبوست .. عبارة عن تاج ، سؤال و جواب ، خدى وقتك ، و اقرئيه تانى و علقى بذهن صافى.. و بالتوفيق ف نتيجة امتحاناتك.
كل سنه و انت طيب يا دكتور و كل احبابك بخير و ادعوا الله ان يرزقك كل السعاده و زوجتك الكريمه دائما امين
رمضان كريم عليك و على كل امتنا
تقبل الرحمن منا قيامنا و صيامنا و جعلنا من المقبولين فى هذا الشهر الكريم
امين
اللهم صلى و سلم و بارك على الحبيب المصطفى محمد عليه افضل الصلاة و السلام
تحياتى لك دوما
الوطن مش كوم تراب
و لاهوش مبانى أو حيطان ..
و لا هو حبة شوارع طالعة من جوا ميدان ..
الوطن يعنى انتماء
والانتماء يكون حيث النماء
عندك حق يا دكنور
ولذا فنحن نعانى
جميله الاجابات التى تفى بالغرض وتعطى كل سؤال حقه كاملا
كل عام وانت بخير ورمضان كريم
أم ياسمين: رمضان كريم . "الذين ءاتينهم الكتاب يتلونه حق تلاوته" .. جعلنا الله من أهل "حق تلاوته".. آمين.
منى: "الوطن مش كوم تراب" .. ده جزء من قصيدة باعزها بجد .. إلتفاته كريمة منك .. أما عن الإجابات التى "أوفت بالغرض و أعطت سؤال حقه " .. فما أرى هذا الوصف إلا لتعليقك الذى أوفى بالغرض و زاد لكل ذى حق عن حقه.. رمضان كريم .. و أجهز لتاج القراءة حاليا .. إنما فين البوست الجديد؟
إرسال تعليق