الجزء الأول "التوريث"
الزمـــان : الأول من ديسمبر" 2010 " مجرد أحداث خيالية أتمنى ألا تقع بالمستقبلالمكـــــان: أبوحماد _ المدينة المناضلة!!.. (إندهاش)
الأشخاص: أنا ... >يرفع ياقة القميص< .. و صاحبى "باصص".أطلقنا عليه "باصص للنص الفاضى" و كان دائما ما يرد بهدوئه المعتاد متمما وصفنا له : "... علشان يملاه" لطالمارآه الناس متشائما و يرى نفسه واقعيا و ذا أمل
***
الأحـداث :" لقد خلقنا الله أحرار و لم يخلقنا عبيدا أو تراثا ، فو الله الذى لا إله إلا هو .. لا نورث بعد اليوم" .. قالها صاحبى "باصص للنص الفاضى" ثم نظر تم عبس و أنشأ يقول: "عرابى... ما كانش لازم يحلف عرابى" .رددت عليه سريعا أداعبه :"دلوقت ما يلاقيش حد يصوم عنه 3 أيام هههههههههههه .. هههه .. هه"... ألجمنى صمته . كنت أحاول التخفيف عنه غير أن يد الصمت أضحت تحول دعابتى إلى سخافات و تبعثرها حولنا ف الهواء.. حسنا. . سأصمت الأنترددت فى أذنى الكلمة .. "ما كانش لازم يحلف عرابى" ، أنا أدرك ما يقول ، فقد صبحتنا الأنباء الصادقة بفوز جمال مبارك بالإنتخابات الرئاسية و تنصيبه رئيسا للجمهورية ، و أنباء عن مشادات بين العشرات من أعضاء حركة "كفاية" و الأمن المركزى ، و إضرابات عمالية متفرقة ، و إعلان عن أول خطاب له بعد غد
فوزه لم يكن مفاجئا لأحد ، كان من خلال إنتخابات قال عنها المراقبون أنها الأكثر شفافية فى تاريخ مصر الحديث ، نسبة التصويت بلغت 15% حسب بعض تقارير منظمات حقوق إنسانية . حالة إحباط عامة و لا زال النظر جارى فى قضايا الطعون ضد بعض مواد الدستور، و إجراءات مراسم التنصيب ف الغد
***
تبدأ القصة مع فتح باب الترشيح للرئاسة بعد إتمام تعديل الدستور منذ 4 سنوات مضت .. تقدمت 3 أحزاب جميعها برؤسائها مع الحزب الحاكم . تقدم حزب "الأمس" برئيسه الأجدد بعد نزاعه على رئاسة الحزب مع الرئيس الجديد و الذى كان قد تنازع رئاسة الحزب مع الرئيس القديم و خلعه بعد دخوله السجن . و هذا الأجدد رجل أعمال دارت الشبهات حول طبيعة صفقاته مع إسرائيل . و تقدم حزب "العهد" بشيخه الذى يقف على عتبة ال100 سنة من عمره و تراه و قد غمر البياض رأسه و فاض على لحيته فابيضت أو كأنما أوقد عليها 100 عام حتى ابيضت فهى بيضاء كالثلج فأطلق عليه الناس "بيضاء الثلج".. و شاع اللقب بالصحافة المصرية ، فالدول و الشعوب تبدل رئيسها صاحب ال80 عاما بأخر صاحب 40 ، و قد رأى شيخنا هذا تبديل ال80 بالمئة . أهم بنود برنامجه : إلغاء المدارس، و عودة الكتاتيب، وإلغاء القطاع الخاص و تحديد ملكية الأرض ب200 فدان، و عودة الطربوش و إحياء المهن القديمة كالسقا و النحاسأما الحزب الثالث فهو حزب "التمثيل المشرف" الذى ما إن تم قبول ترشيح رئيسه حتى أعلن بوضوح : " إنما شاركت لتدعيم الديمقراطية ،و أنا أول من يعطى صوته لإبن رئيسنا السابق زعيم نهضتنا بالعصر الحديث" ، و دارت بعض شائعات مجهولة المصدر أن مشاركته كإسم حزبه غير أنها غير مشرفة لقبوله رشاوى مالية لقيامه بالدور على أكمل وجه
و تقدم عن الحزب الحاكم مسئول لجنة السياسات به "جمال مبارك" و الذى أعلن: "الدستور فوق الجميع و الديمقراطية هى الأساس و ليقل الشعب كلمته".. فى هذه الأثناء كثرت المظاهرات و تكثفت الإضرابات و اهتز الإقتصاد المصرى . و مع غلق باب الترشيح هدأ كل شئ و استمرت الإضرابات و التى فقدت تأثيرها مع تكرارها و مع اقتراب موعد الإنتخابات تأتى الأنباء بوقوع إضراب هنا أو هناك .. صرنا لا نستغرب الكلمة .. فقدت الكلمة وقعها مع فقد الإضرابات لتأثيرها
***
و انقسم الناس لثلاثة فرق: فقائل :" لمن سأعطى صوتى و أصلحهم طالح وأحلاهم مالح؟؟.. فالزم بيتك و اعبد ربك و دع ما لقيصر لقيصر، و هؤلاء الأغلبيةو قائل"هاشارك يعنى هاشارك .. حتى لو هالبس الطربوش من بكره " و هؤلاء قلة
و قائل : "إن كنت ذا شمم فى أمة جنحوا .. للذل فاجنح له تركن إلى رشد" ما دام كدا كدا بايظة يبقى أشارك و استفيد بكام لحلوح من البيه صاحب المصنع .. رزق العيال
بدأت الإنتخابات و انتهت .. و حدث ما حدث .و ها نحن اليوم.. ككل يوم صحونا من نومنا ككل يوم ، صاحت الديكة صياحها كل يوم ، طلعت الشمس من مشرقها طلوعها كل يوم ، و ها نحن تطرق أذاننا الأصوات التى اعتادت طرقها كل يوم ، صوت إطارات السيارات و همهمات الناس بالشارع ككل يوم ، كل شئ كما اعتدناه كل يوم ، لا شئ تغير .. سوى .. رئيس الجمهورية .. و أمل .. حام .. ولم يجد له مكان بيننا .. فمضى . تصل لأذنى نداءات بائع الفول .. هى هى ككل يوم ، غير أنه اليوم أضاف نداء جديد : "فووول.. يا زمن.. فووول"
..ماذا؟؟ ..ماذا يريد أن يقول؟ ..و هل حقا يعنى ما يقول؟ .. نفضت الأوهام عن رأسى .. إنه مجرد بائع فول.. لا صوت له .إنتبهت على صوت صاحبى "باصص" و هو يتمتم : "ما كانش لازم يحلف عرابى !!"
***
السؤال: لو عادت بنا الأيام إلى سنتين ماضيتين( 2008) هل نستطيع التغيير؟
...إلى لقاء ف الجزء الثانى... للحرية ثمن , و للتغيير شرط ...
_______________________
جميل الشعر:
و قائل لى ينهانى و ينصحنى: .. السجن أضحى قريبا منك فابتعد ِ
إن كنت ذا شمم فى أمة جنحوا .. للذل فاجنح له تركن إلى رشد
فقلت فكرى إحساسى أأقتله؟؟ .. هذا الذى لم يَدُرْ يا قوم فى خلدى
"هاشم الرفاعى"
هناك ٥٠ تعليقًا:
هييييييييييييييييييييييي
الموضوع الجديد نزل يا رجالة
اروح اقرا وارجع
ان شاء الله مش حبصوم تلاتة ايام
ربنا كبير يا داكتور
يقطع من هنى ويوصل من هنى
ده كده على اساس انا من الكَفر وباكلمك فلاحى باجا ومش متعلمة وجايه ولا مؤاخذة من ورا الجاموسى وحيستكردونى ويعممونى لمدة 50 سنة جايين ماهو الوريث لسه صغنن
يا داكتور تيف من بؤك
ولا اكلمك زى سارة فى مسلسل سارة اللى كانت متخلفة
لالالا مس حيثوم يا دتتور تلات تيام
ما هو احنا معلناس حاجة وحلويين خالث خالث
تعرف لو ده حصل يا دكتور محمد
لو حصل
يبقى فعلا نستاهل كل حاجة واى حاجة واياك حد يكون له مدونة ويتكلم فى السياسة تانى وانا اولهم
يمكن اهاجر
يمكن اطلب اللجوء للكونغو حاعمل اى حاجة غير انى يحكمنى وريثه
كلهم سنتين اعمل خميره كويسة ييجى متين جنيه كده لزوم التأشيرة
هى أرخص تأشيرة عندكم فى الجنوب بكام
ينفع أعيش فى غابات السافانا ؟؟؟؟
طالما لسه محدش جه الف براحتى بالطفطف واعلق تالت
لغاية بقية العصابة ما تيجى من الشغل والكلية والامتحانات
اسلوبك فى السرد يغلب عليه الارهاص المخيخى الاوسط وده يدل على انبعاج التفكير تحت القشرة المخية وعاصفة الصحراء اللى البؤرة اللامركزية جعلتك تعبر عنه بكل سلاسة مع التحفظ على ان العاصفة كانت محملة بغبار زمبيزى اسود لون طين وتراب زامبيا فجعلت الارهاصة اسود فى خروبى
بجد بقى وبعيد عن الارهاصات
انت لك اسلوب ادبى سلس ورفيع المستوى حتى فى المزاح وده بيدلنا على ان الارهاصات الفكرية (تنتبه أنها رجعت تهلوس )يووووووه معلش يا دكتور يومين كده وحابقى زى الفل اصل مخى وارم
السلام عليكم
ايييييييييييه 2008 فاكر حضرتك ايام ارتفاع الاسعار واللي حصل وحكاية الاضرابات
فكرك لو كانت نجحت ساعتها الاضرابات دي كنا هندخل في المجاعة اللي احنا فيها دي؟؟؟؟
طيب الاغنياء اللي في البلد دول اللي هما بقوا مليون واحد واللي عمالين يغتنوا والشعب كل يوم بيموت منه الاف من الجوع
كانوا برضه هيغتنوا زيادة زي ما حصل؟؟؟
خليها في سرك
احنا دلوقتي بنبحث عن لقمة العيش اكتر من التغيير مش ضروري بقى على يده هو ولا غيره المهم انه اللي يجي يوفرها
وعجبي
تخيلت معاك يا دكتور
سلم يمناك
تخيلاتك سردها جميل
تحياتي
الله اكبر ولله الحمد
ماشاء الله
قلبى دليلى
لمالقيت حضرتك فقت من غيبوبة البوست اللى فات
ورديت فى البوست الجديد
قلت يارب تكون نزلت
الحمد لله
وجيت لقيت مجداوية عاملةالفرحاللى كنت ناوية اعمله
بداية عود احمد
ثانيا معذرة مقراتهوش لانى واخده ريست 10 دقايق عشان تقييم بكرة
دعواتكو
وهرجع بعد يوم الاربع ااقرا وامخمخ
دعواتكم......
مجداوية .. >إندهاش و انزعاج< .. يا نهار _ ده كله من دور برد؟؟ أومال لو كانوا دورين تلاته؟؟ ههههه .. فلاحى و كفر و سارة و حلوين خالث و تأشيرة و كونغو و إرهاصات مخية؟ _يانهار.. ده كله و احنا لسه ف أول الصيف؟ أومال لما نوصل شهر 7 و 8 و اسكندرية تتزحم و ماتعرفوش تاخدو نفس م الخلق اللى عندكو؟ _ _ أما بالنسبة للموضوع فأنا هاستنى لحد ما تروقى كدا و تستهدى بالله و تقعدى تقراى الموضوع بتركيز >يحوقل فى سره< .. و مستنى إجابتك ع السؤال اللى ف أخر البوست.. بس تعرفى؟ .. بجدكلامك و تعليقاتك أسعدتنى جدا.. حسيت إنك واخده راحتك كدا ف المدونة و بتتكلمى بلا تحفظ و لا تكلف.. سعيد بيكى جدا..
عاشقة النقاب : أشكرك لإطرائك _ تعليقك الملئ بعلامات الإستفهام أثار عندى أسئلة كتيرة تسأل لها إجابة... هل تعتقدى إن التغيير هيحصل حتى لو كل الإضرابات نجحت؟ الإضرابات كفاية؟ و هل موضوع لقمة العيش منفصل عن موضوع التغيير؟؟ و هل تفتكرى إن دى مجرد تخيلات؟؟_ >إبتسامة< .. تسلمى
ربنا يعينك يا شيماء .. منتظرين _ و ما يوم الأربع عنا ببعيد!
السلام عليكم وحرمه الله وبركاته .
اولا يادكتور لو على الصيام ثلاث ايام نصوم بس يجى بفايده والله لو صومنا السنه كلها لو صومنا اصلا الايام الجايه كلها او الى فاتت كلها هيبقا هو هو لا شىء هيتغير ابدا مهما عملنا ومهما حصل وكمان بيبقا لاسؤ اكتر .
ولو عملنا اضرابات العالم كله بيعملوا خطوه وبعدين يطلعوا علينا احنا يرفعوا المرتبات وبعدين يخدوها مننا بالشمال يرفعوا الاسعار تاتى وكمان يارات يرفعوا ويبقا فى شىء لا يرفعوا وتبقا الحاجه اغلى من كانت الاول .
حريه ايه وتغير ايه فين الحريه دى دا لو حد قال رايه ولا حد قال الى فى نفسه مش بتلاقيه اصلا الله المستعان .
واما باللنسبه للبرنامج يبقا شروطه الغاء القطاع العام مش الخاص لان الخاس هو الى شغال فى البلد الايام دى هيلغوا القطاع العام وهيبقا القطاع الخاص هو الى موجود علشان يبقا ليهم هما وبس .والشعب بعد كدا مش تلاقيه خالص .
والله يادكتور لو عادت سنتيين او تطورت سنتين هيبقا الحال هو هو مش يهتغير ابدا بل هيبقا لاسؤ فى كل شىء.
اهم شىء الان طبقع الاغنياء بعملوا ما بدهم ومش ليهم دعوه بالشعب الشعب يجوع يموت واحنا مالنا اهم شىء انفسهم فقط لا غير وسعات الاضرابات الى حصلت قولى ايه الى اتعمل يادكتور ؟
ايه الى حدث لما عملوا اضرابات وخربوا الدنيا ؟؟؟؟؟؟؟
لا جديد ولا قديم هيحصل وهنبقا كدا وهنفضل كدا بلا تغير بلا حريه بلا اى شىء .
وعلى الصوم هصوم انا بدال عرابى ههههه
كتير من العشب عنده امل التغير نقول للشعب اطمن ان شاء الله بعد لما نموت يبقا فى تغير وحريه ان شاء الله لا تقلقوا ابدا .
بجد يادكتور مناقشتك جميله وبنحس دايما براحه فى مدونتك دومتك بخير دايما .
واحب اقول لمجداويه لما تلف بالطفطف ابقى تعالى خدينى معاكى يمكن اشوف شىء جديد مش شوفته من قبل هههههه.
السلام عليكم ورحمة الله وبركاته
اولا سلامي تحيتي وتقديري لكل الاخوات في المدونه
وأخيرا وبعد انتظار طويل
في الحقيقة يا دكتور محمد موضوعك هذا هادف ومثمر بحيث فتحت لي نافذة للاطلاع على بعض الاشياء التي لم اكن على علم بها من قبل وي الي كانت مستخبيه في دماغك ...
لكن لي ملحوظه صغيره " فكرك رائع لكن حيوديك في داهيه بعد بعد الشر " ياساتر ده لو حصل ..اقصد تصوراتك !!!!!!!!! يا نهار ابيض
حريتنا تنهار بين أيدينا معاً لنعالجها يا ''عرااابي ''
الم اخبرك من قبل اني وجدت فيك القلم الواعي والمميز ..؟.. قلمك دائما يميزك عن غيرك يا دك ربي يبارك فيك
موفق ان شاء الله يا دكتور
ومني لك أرق تحية..
بصراحة مستنتشى ليوم الاربع
عملت لنفسى ريست 5 دقايق
واستهبلت واخدته ربع ساعة وقريت موضوع حضرتك
طبعا عايزة ااقول هم يضحك وهم يبكى
اولا حضرتك كاتب الاسماء بثقة ايه
تمام وزى الفل
ما هيجبوك ازاى من زامبيا صحيح
هههههههههههههه
لكن اخنا
قاهرين واسكندرينين
وفى ثوانى
تمام يا فندم
المهم جد بقا
مضووع حضرتك طبعا مهم
اناالى الان مش مستوعبة انه ممكن يمسك
بركب الميكروباصوالناس مثلا تتكلم
فيقولوا يا عم ماهو كدةكدة وارثها!!
بيقولوها بكل بساطة
وخضوووووووووع
ااقول بينى وبين نفسى معلشى اصلهم جهله!!
مش فاهمين حاجة فى السياسةولافى البلد
ويا خوفى ليكون العكس واطلع انا اللى بحلم
مازلت بحس وبستشعر ان صوتنا عالى اوى
احنااللى بنوطيه
خوف
نفاق
حاجات ككتييييييييييير
بس ربنا يستر وميحصلشى
لان لو حصل
شوفلى جنب مجداوية برضوكدة
ان شالله عشه
ربنا يعيينا على الاصلاح
اللهم استعملنا ولا تستبدلنا
السلام عليكم
عوده حميده ولكنها اوجعت قلبى بكميه رهيبه من التشاؤم ولكنى عدت وشعرت انه الواقع المر لا محاله .
جميله قوى ابيات هاشم الرفاعى
يا سلام لو كلنا قلنا .. فكرى واحساسى ااقتله ..
دمت بخير مبدعا
تحياتى
rovy
ليه كدا يا ضى؟؟ هى هى و مش هنتغير مهما حصل؟ و ايه حصل لما عملو إضرابات و خربو الدنيا؟! ده رأيك يا ضى؟.. إيه النظرة اليائسة دى؟ يا نهار.. يا ضى هو احنا أقل م الشعوب التانية؟ وفيه قوانين ربنا واضعها ف الكون.. الأيام دول_ ما حدش بيظل على حالة _ و هو مين كان يصدق ان اسرة محمد على ينتهى حكمها بالبساطة دى؟ ربنا كبير.
السلام عليكم ورحمه الله وبركاته .
ايوه يادكتور هى هى ومش هتتغير طيب قولى يادكتور محمد ايه الجديد الى بيحصل بل بالعكس بتبقا كل سنه اسؤ من الاول ايه الشىء الجديد او ايه الحطوه الى اتعملت ؟؟؟؟
لا نظره لا يائسه ولا شىء والله يادكتور اصل هو دا الحقيقى وايام الاضرابات دى لما عملوها ايه الجديد الى عملوه بعدها ؟؟؟؟؟؟؟؟؟
لو جيت يادكتور تشوف مش هتلاقى شىء جديد حصل ولا خطوه جديد !!!
ما هو يادكتور فعلا الانسان مش بيفضل على حاله اكيد لكن الدنيا بتتغير جدا لكن تغير غير ملحوظ !
كنت تعالى يادكتور الايام الى فاتت شوف حالات الانتحار كانت اد ايه وبنسبه اد ايه علشان بس الانسا مش بيفضل على حاله الانسان زهق من حاله .....
بس ايه رايك فى التشائءم واليائس الى انا فيه دا :d ولا يهمك يادكتور لو فى تغير هيحصل انا منتظره اهو ان شاء الله يارب حتى يكره التغير وحد يكره اى شىء احنا نريده اصلا !!!!!
دومتم بود جميعا وربنا يبارك فى الجميع يارب وانتظر الطفطف بتاع مجداويه علشان نلف اشوف معاها التغير يمكن مش شايفه منة عندى انا (ابتسامه عريضه)
عارف حضرتك
كان عندنا مادة اسمها تاريخ النظم القانونية والاجتماعية
لما كنت باذاكرها كنت باحس اننا كحكام ومحكومين زى ما احنا ما اتغيرش فينا اى حاجة الا نمط المعيشة واللبس وكده
وبقيت من ساعتها كل ما تحصل حاجة...اقارنها بحدث فرعونى حصل زمان
اقول سبحان الله...هو احنا التاريخ عندنا مش بيمشى خالص ولا بيتحرك
كان واحد واقف مكانه بس عمال فى نفس المكان ده يغير نمط حياته الشكلية فقط لكن اننا نمشى كده لقدام مع البشر لاممكن وعلى جثتنا..عارف اللى حاجز مكان فى طابور العيش وخايف يسيبه..احنا عاملين كده بالظبط خايفين نتعتع من مكاننا...يعنى عايزيننا نتحرك ونتوه فى الزحمة؟ده كلام برضة
توريث بأه..دكتاتورية...فقر...احنا واقفين وصامدين حتى النهاية..نهايتنا
حضرتك بتضحك عليا وتقوللى مافيش فرق توقيت بين زامبيا ومصر؟؟امال توقيت مدونة حضرتك ده ايه؟ هو ده مش فرق توقيت برضة
:)حوالى خماشر يوم كده
السلام عليكم
حضرتك فاكر ان كلامى ده من تأثير دور البرد !!!!
لاااااااااااا باقولك مخى وارم يبقى من الجدال اللى دخلت فيه وطلعت منه باحسبن واحوقل زى ما قالى والحمد لله اتضح انى عاتشفية يعنى عاطفية وارهابية ومتطرفة فكريا ومتأسلمة وباكفر المسلمات الغير محجبات
يبقى مش عايزنى آخد الطفطف ومخى يورم وأقولك التحليل المقتبس ده من البرين ستورمنج !! بس الحمد لله آثار الحادثة ابتدت تروح ومخى رجع لمكانه وبطلت أحسبن وأحوقل وضرب كف بكف وبقيت أعرف انهاردة ايه واسمى بالكامل ورجعت انده على نسمة باسمها تانى بدل ما كنت أقول لها ياااأاااااااه,,الحمد لله يحيى العظام وهى رميم
الانسان ده جبار أوى يا دكتور ممكن فعلا يشل أخوه الانسان
ما علينا خلينا فى موضوعنا وأقدر دلوقت أرد على سؤالك
لو رجعنا سنة 2008 باعتبار اننا 2010 حنقدر نغير حاجة ؟؟
شوف أنا مكنش عتدى بطاقة انتخاب أو يمكن يكون عندى بس معرفش عنها أى حاجة فأنا حاطلع بطاقة انتخاب وحأقول لأ وقت ما يجوا ينتخبوا الوريث بس المصيبة انهم يغيروا النظام ولا ينتخب ويعين ماهو توريث بقى فاللى حنقدر عليه حنعمله لكن لو صوتى واصوات الناس اتزورت كالعادة فأنا وأنا فى كامل وعى بأقول نفس اللى قلته ومخى وارم يعنى هاهج من البلد دى لو ده حصل انا اللى مصبرنى ان فيه هبابة أمل اننا نتغير قبل ما نغرق كلنا لكن الأمل ده حينتهى لو الوريث ورثنا
فأنا افضل ان أكون غريبة و مهاجرة الى بلد غير بلدى ولا أكون عبدة فى بلدى
فنحن لسنا عبيد احساناتهم ولقد خلقنا الله احرارا ولم يخلقنا تراثا أو عقارا والله الذى لا اله الاهو لن نورث ولن نستعبد بعد اليوم
طبعا حاصوم تلات أيام!!!
ولا المفروض احلف بالطلاق أحسن عشان يبقى قسم كده وكده
طيب برضه أحسن
على الطلاق بالتلاتة ماهو شايفها الحلو
تخيل ههههههه لو عرابى حلف بالطلاق هههههههههه
لا أنا خفيت متحسبنيش لسه باخرف وتحسبن وتحوقل
ادينى جاوبت على السؤال ولا برضه شايفنى مش مركزة !!!
تعالى يا ضى معايا خديلك لفة بالطفطف ,,تحبى تروحى فين ؟؟؟
رامسسيسسسسسسس رامسسييسسسسسسسس رابعة رابعة رابعة
السلام عليكم ورحمه الله وبركاته .
ايوه يارات تخدينى معاكى يامجداويه اصل دكتور محمد بيقول ان فى شىء هيتغير او شىء اتغير فبقول يمكن مش شايفه بالتكتك عندى قولت تخدينى معاكى بالطفطف يعنى فسحينى معاكى يامجداويه اشوف ايه الجديد وايه الى اتغير ؟؟؟؟؟
هو لو عرابى حلف بالطلاق كان زمانه الان من اول الطلقين بالبلاد بس الحمد لله انها مش وصلت للطلاق وكان فى ناس يهدوا نفوس الحمد لله .
ولما نخلينا مع دكتور محمد ونعطى امل لنفسنا واروم مع مجداويه بالطفطف والاقى حاجه ان شاء الله جديده .!!!!
اراكم بخير وبتغير جديد ان شاء الله .:d
لوما .. ألف مرحبا _ الموضوع عن مصر و رغم إنك مغربية غير أنى أعتقد أن عالمنا الإسلامى كالجسد الواحد .. سؤالى لك.. مين عرابى؟ و من أى جزء ف مصر؟ ممنوع استخدام جوجل. و لو جاوبتى ليكى جايزة.
شيماء سمير.. هيجيبونى إزاى؟؟ ههههه _ هيجيبونى يعملو بيا إيه و هم عارفين كل حاجة عنى؟؟ هم لسه هيجيبونى؟؟ .. >إبتسام< .. طيب دعينى أعرفك بنفسى قليلا بلا تفاخر و إنما ردا على حتة هيجيبونى إزاى! ..محسوبك يا ستى كان مقرر أسرة التيار الإسلامى بالكلية .. و مسئول ثقافى باتحاد الظل .. و مسئول عن العمل العام بالكلية و بالجامعة .. و _ لأ كفاية كدا _ و هم مش محتاجين يعرفونى أصلا _و الحمد لله أنا سليم قدامك أهه و تمام التمام _و عدينا ما يسمى مرحلة الرعب _ صرنا حبايب _ و إذا لم يكن من الموت بد .. فمن العار أن تموت جبانا _ و بعدين لو فرض و قابلونى ف المطار هأقولهم ببساطة : شيماء سمير و خالها ياسر هما اللى مولو العملية _ >إبتسامة نواجذية<
روفى .. أم ياسمين .. ربما ده الواقع _ صح _ أنا معاكى _ لكن _ نقول "لا محالة!!" _ لأ _مش معاكى أم يا سمين _ التغيير بإيدينا لو أردنا _ ع الأقل عشان خاطر ياسمين و اخواتها ._ الإنسان الواقعى هو من يغير الواقع. لا من يرضخ له.. و هناك شئ من التمرد لاحظته بشعرك خصوصا "إنى أكره هذا الرجل"
السلام عليكم ورحمة الله وبركاته
ياخبر أبيض إنها نهايتي وانا فعلا في وضع لا احسد عليه ما انت عارف اني ماليش في التاريخ يا دك والسياسه كمان...
لكن بجد الموضوع الي طرحته موضوع جميل وهادف من كل النواحي وطبعا سأتعلم منه الكثير
يعني راح اتكلم بحريه ....طيب
وي نعم صح يادك عالمنا العربي والاسلامي كالجسد الواحد ولازمنا كتير عشان نتحرر من الجهل والفساد والظلم
وتكون لدينا حريه التعبير والديمقراطيه
في الشأن السياسي
حقوق الانسان
حقوق الشعب
حرية التعبير !!!!!!!!!!!أظن انه وهم بعيد ليس له وجود في العالم العربي
بس برضو انا مش عايزه اتشاءم زاي ضي القمر اكيد حيحصل فيه تغيير ان شاء الله وما في شيئ مستحيل .
وياسيدي انا جاهزة لاي سؤال ما احنا جامدين برضو _ ههههه_
عراابي يا سيدي
قائد عسكري وزعيم مصري وأول من قاد ثورة مصرية في العصر الحديث، وُلد أحمد الحسيني عرابي في مارس 1841، بقرية هـربة رزنة التابعة لمركز الزقازيق بمحافظة الشرقية.
وطبعا البلد الاقرب الى قلبي الشرقيه واعرفها حته حته ولا شبر يزوغ مني ...
المهم خليك قد كلمتك وهات الجايزه لاني مش حتنازل عنها ولا تقول اني جبت المعلومات من جوجل لالالالالالالالالالالالا ابدا _ وحكدب عليك لو قلتلك لاء (وجه مكسووووووف للغايه)
تسلم على الترحيب يا دك
دمتم بصحه وعافيه
ودام قلمك الراقي
أموله.. يبدو إن _ عارفة الإعلان بتاع وزارة الصحة!.. المصرى حيفضل مصرى و النيل و الخير!.. يبدو إنهم جابوه من تاريخ النظم الإجتماعية.. هى دى كلية إيه ؟ حقوق؟.. >تضئ الفكرة فى ذهنه< .. يبقى كليتكم هى السبب فى كل اللى احنا فيه ده .. >إبتسام< .. ممكن أسأل سؤال؟ _ ممكن أعرف هتعملى إيه لو إن ده الموقف ف الإنتخابات فعلا بعد سنتين؟! تخيلى كدا.. هتختارى أى مرشح؟ و ليه؟ ..
برين ستورمينج!! ههههه _ >يستلقى على ظهره من الضحك< _ جميل خالص _ فكرتينى بالبرين ستورمينج ! _ الحمد لله ع عودتك سالمه _ >إبتسامة عريضة< _إنتى شايفه الحل بالبطاقة الإنتخابية و إن كل واحد يقول رأيه ، جميل .. دى خطوة إيجابية جدا _ و سؤالى _ هل إنتى شايفة إنها كافيه لمنع التوريث؟؟ و لإن الموقف ما فيهوش أه و لأ و لو فرضنا نزاهة الإنتخابات تماماااا .. و لو فرض و كان قدامك 4 مرشحين زى بتوعنا دول .. هتختارى مين فيهم؟ سؤالين مش سؤال _ و أحمد الله إنك رجعتى تنادى نسمه باسمها .. >إبتسامة <
برين ستورمينج!! ههههه _ >يستلقى على ظهره من الضحك< _ جميل خالص _ فكرتينى بالبرين ستورمينج ! _ الحمد لله ع عودتك سالمه _ >إبتسامة عريضة< _إنتى شايفه الحل بالبطاقة الإنتخابية و إن كل واحد يقول رأيه ، جميل .. دى خطوة إيجابية جدا _ و سؤالى _ هل إنتى شايفة إنها كافيه لمنع التوريث؟؟ و لإن الموقف ما فيهوش أه و لأ و لو فرضنا نزاهة الإنتخابات تماماااا .. و لو فرض و كان قدامك 4 مرشحين زى بتوعنا دول .. هتختارى مين فيهم؟ سؤالين مش سؤال _ و أحمد الله إنك رجعتى تنادى نسمه باسمها .. >إبتسامة <
معلش حطيت تعليقين ورا بعض نفس الشئ فى إطار خطة زيادة عدد التعليقات _ >إبتسامة متكلفة< .. كدا اظرف من الحذف _ و هو كدا كدا اتحسب _ يلا _ نصيب بقى.
يا ضى .. إنتى من المحلة _ يعنى إنتو منشأ الإضرابات و مهد العصيانات المدنيات اللتات عملات حاجات كويسات _ إيه ده اللغة دى؟ _ يا ضى _ بصى _ اللى يحسب إن الحرية دى هبة هيعطيها لنا الحاكم يبقى بيهرج. الحرية بتنتزع لا تستجدى )تونتزع لا توستجدى( .. و اللى يحسب إنها هتيجى كدا على طبق من فضة يبقى واهم _ و رغم إن الإضرابات ف مصر لم تتعد فقط مطالب مادية إلا إن الناس قد تربط ف يوم م الأيام بين مستوى معيشتهم و الحياة السياسية. مش مجرد التلويح بعلاوة يخلى الإضراب يفشل . و للحرية الحمراء باب .. بكل يد مضرجة يدق )يودق(.
لوما .. للأسف ضيعتى عليكى الجايزة _ مش قلنا عدم استعمال جوجل؟؟ _ كان ممكن ببساطة تستعملى أى محرك بحث تانى >ضحكة مكتومة و ابتسامة شامته< .. السؤال التالى ماذا تعرفين عن يوسف بن تاشفين و الزعيم عبدالقادر اللى غنى له الشاب خالد : عبدالقادر يا ابو ________ نفسى أفهم كلمة واحدة م الأغنية غير عبدالقادر _ هو كان بيغنى عربى و لا أما زيغى؟؟ نرجو الترجمة مع الشكر _ يلا _أزول فلاوون .
السلام عليكم ورحمه الله وبركاته .
اه والله يادكتور بالنسبه للمحله روحنا بعد الاضرابات الى حصلت الكليه كل ما حد يشوفنا وكنا مجموعه كبيره مع بعض حوالى 12 بنت كانوا لما يشوفونا يقولوا لبعض ابعد عنهم دول محلاوين ممكن ياكلوك حاسب على نفسك متعرفش ايه الى حصل فى المحله واحنا نبص لبعض ونقول فى ايه يابنات .
احنا اتشهرنا اوى كدا علشان تعرفوا بس المحله ويقولوا الرجاله فى المحله بس مفيش رجاله فى مكان تانى .
علشان كدا خافوا مننا بقا يادكتور .
واما بالنسبه للحريه يادكتور فعلا مش هبه ومش هنقعد نستناها علشان تيجى لحد عندنا لو فضلنا مستنين عمرها ما هتيجى ابدا لكن مين بقا يادكتور الى هيسعى ورا الحريه ويروح يجيبها ؟؟؟؟؟؟؟؟
هذا هو السؤال ؟
اكيد مفيش حد علشان مفيش حد هيقدر يروح يجيبها اصلا !!!
ويادكتور مش الاضرابات كلها علشان علاوه علشان الاسعار وعلشان حاجات كتير اوى بقولك يادكتور كان الايام الى فاتت دى كان كميه انتحارات رهيبه .
وعلى فكره يادكتور مش هتلاقى حد يدق ويدق علشان اصلا الجرس متشال مفيش جرس ولا باب تدخل على طول ولو تعرف تدخل اتفضل !!!!
وابقا تعالى معانا انا ومجدوايه بالطفطف يادكتور يمكن تلاقى شىء عندنا فى المحله دا المحله اشتهرت فى كل بلاد العالم علشان تعرف بس يادكتور مش اى ناس ومش تخاف بعد كدا هقولهم يجيبوا سيره الشرقيه فى النص هى بلدى بردوه ولازم نحترمها ونقدرها .
اراكم على خير كان معكم ضى من المحله .
نسيت يادكتور اقولك شىء جيت اشغل اغنيه عبد القادر علشان اكتبها انى افهم كلمه ابدا لو حد فهمها يارات يكتبها واعععععع(وجه باكى وحزين )
السلام عليكم
ايه الاسئلة اللى مش بتخلص دى بقااااااا( حالة حيرة مع ابتسامة عريضة )(شايف السجع ,اصل الدنيا ساجعة فى الكفر)
ولا واحد منهم يادكتور محمد هو يا نار يا جهنم !!! انا مش حادى صوتى لحد منهم ما هو أكيد فى ال 80 مليون دول واحد عدل حتقولى مش حيدولوا فرصة يبقى الحل عندى زى ما قولتلك ديتها تأشيرة لأى بلد غير دى فرارا بعقلى وآدميتى ودينى
أرض الله واسعة وكلها أرض الله والهجرة من مكان لمكان واجب لما تلاقى الفساد عم البحر والبر
قال تعالى :
ان الذين توفاهم الملائكه ظالمي انفسهم قالوا فيم كنتم قالوا كنا مستضعفين في الارض قالوا الم تكن ارض الله واسعه فتهاجروا فيها فاولئك ماواهم جهنم وساءت مصيرا
دى اجابتى النهائية على أسئلتك فاوعى تمسك فيا وتقولى اقعدى فى بلدك
لأ مش حاقعد
يا نعيشها صح يا اما بناقصها
الأمل الوحيد (والضعبف) فى البلد دى ان حالها يتغير فى السنين القليلة اللى جاية فلو ربنا عطالى عمر ومحصلش أوعدك انى حهاجر منها بس حضرتك تسألى بس أرخص تأشيرة فى جنوب القارة بكام ولفين !!
ربنا كبير يخلف الظنون
أومال فين شروق وغروب
مش تيجى تلف معانا أنا وضى وشيماء وأموله ولوماا(المستعصية) جامدة لوماا ميتخافش عليها فعلا
اه نسيت اقول لحضرتك اعتقد الشاب خالد بيقول عبد القادر ابو علم
متهيألى مش متأكده
وكمان لضى القمر
معلش بقى اضراب المحلة طلع طظ فش عشان لا طاقة لكم بجالوت وجنوده
الموضوع كان اكبر من انكم تستمروا فيه ولو كنتم استمريتم كانت المحلة حتحتل جوا وبرا من الجيش
النظام ده خوف بيكم السايب
واضرب المربوط يخاف مين ؟
صح
السايب
احنا يعنى باقى الشعب الرجالة اوى اوى اوى
الرجالة ماتت فى 73
سمعت آخر نكتة يا دكتور
بيقولك مبارك سنة 2080 بيخطب فى الشعب وبيقولهم قعدتواتنقواو تقولوا توريث وحيورثهم وحيورثهم لحد العيال ما ماتت
هههههههههههههه
حلوة مش كده قريتها فى تعليق لأخونا الفاتح الجعفرى
اه عندك حق يا مجداويه بجد اسئلة الدكتور محمد مش بتخلص خالص بتحسي حالك كانك على قناة الجزيره ماشاء الله
بس ياريت يكثر منها ده بيخلينا نتشرف دائما بحضورك وحديثك الخلاب والجميل
حق بيعجبني اسلوبك الراقي في الحديث يا اخت مجداويه تستحقين الشكر والتقدير
وكمان بشكرك كتير على الجوله الرائعه بالطفطف ياسلام ده احنا كنا في عالم تاني خالص خلتينا نعرف كتير اشياء كانت غايبه علينا _ابتسامه _
ربي يسعدك و يبارك فيكي وبكلامك العسل
اما عن كلام الاغنيه بقى يا ضي ودك محمد فهي بتقول
عبد القادر يا بوعلام ضاق الحال عليا
داوي حالي يا بوعلام سيدي روف عليا
دي المقدمه بس لسه فيه كتير
وي طبعا طبعا كلام مفهوم غير يعني كلمتين يمكن "صعبتين" بس بقولكم ايه .. الي يترجمهم بعطيه جايزه _ ولو جابها الدكتور محمد ابدا ما يطول مني ولا شيئ _لازم انتقم بقى _ ابتسامه برضو
يالا اترككم في امان الله ورعايته
دمتم بسلام وصحه وعافيه
وكل التقدير والاحترام للدكتور محمد
أعتذر يا جماعة عن عدم قدرتى على متابعة الرد أمس .. فأول أمس حصل معايا موقف غريب جدا _ كإننا ف شيكاغو _ أى نعم إحنا جنب جنوب أفريقيا و اللى على الرغم من أنها أوروبا أفريقيا فهى عالم أول غير باقى أفريقيا إلا إنها من أعلى معدلات الجريمة ف العالم _ المهم _ حصل إنى كنت ف لوساكا باخلص شوية أشغال و أنا متعود بعد ما باخلص بأمر على صديقى السودانى د.أحمد و هو بنهاية الأربعينات من عمره و هو يدير تجارة تابعة للشركة _ نصلى المغرب معا و ينضم لنا صديقنا الثالث ثم يغلق محله و ننطلق _ دا الطبيعى _ لكن ف اليوم ده حصل شئ جديد _ طلعنا من المحل _ ركب زميلنا العربية _ و أنا تبعته _ و د أحمد هم أن يركب فإذا بصوت ضرب نار من كلاشينكوف _ عصابة سطو مسلح _ و ...._ التفاصيل هاحكيها لكم بعدين _ أو بعد الفاصل _ أو .. "باصص للنص الفاضى _ مش هتقدر تغمض عينيك."_ فرصه الواحد يعمل دعاية _ بس فعلا انشغلنا بعدها بتقرير البوليس و المعاينة و و و
السلام عليكم ورحمه الله وبركاته .
اولا يامجداويه حتى لو الى حصل فى المحله طظ فش زى ما بتقولى فى حد تانى فى اى منطقه حاول يعمل بس اى شىء دا مسمين دلوقتى المحله الرجاله محدش عملها غير المحله معلشى بقا يامجداويه يعنى معلشى احنا بنكلم بردوه .
حتى لو محصلش حاجه يعن كفايه وقفوا وقفه رجاله دى عندنا بالدنيا .
دى المحله يامجداويه اشتهرت فى العالم كله دى جات على الفضائيات دى امريكا كانت بتقول محله يعنى بقينا مشهورين اوى ولا انتم علشان مش عملتوا حاجه يعنى لالالالا يامجداويه لا معلشى بنكلم بردوه بلدنا .
وبالنسبه لاغنيه عملت الى عليكى اوى يالوما بصراحه طيب فى اقتراح احسن فى اغنيه عائشه بردوه للشاب خالد نخلينى احسن فى اغنيه عائشه حتى اسهل اهو اى شىء للشاب خالد وخلاص بدل الاغنيه الصعبه دى (وجه باكى )
لو عايزنها هى اشوف مترجم ويترجمها واخد الجايزه .
السلام عليكم ورحمه الله وبركاته .
مش معقول يادكتور احنا منتظرين التفاصيل بعجوبه جدا .
وكمان بوليس ربنا يستر يادكتور بس الحمد لله انى محصلش شىء ليكم وربنا حفظكم يارب وربنا دايما يحفظكم من كل شر ومن كل سطو مسلح امين يارب .
وبالنسبه لباصص للنص الفاضى مش هتقدر تغمض عينيك هو فعلا يادكتور والله مش بنقدر نغمض عيننا .ماشى احنا ممكن نعمل دعايه احنا كمان يادكتور دا احنا محلوين شاطرين اوى وكمان فينا عرق شرقاوى جميل بردوه يعنى جدعان اوى مش انت لوحدك ممكن تعمل دعايه .
وبجد يادكتور فى انتظار التفاصيل ضرورى جدا .
ضى القمر : بتقولى الرجالة ف المحلة بس؟ _ ليه؟ معاكم توكيل؟ و لا إنتو الموزع الوحيد؟ أهلا أهلا _ أهو الكلام ده اللى خلى الواحد يطفش م البلد _ _ _ _ _ _ _ _ لوما: ربنا يوفقك ف امتحاناتك : بس مش عايزين كروته _ )كروته دى لغة صعبة عليكى( _ أقصد كلمات الأغنية واحدة واحدة و أكبر قدر ممكن _ عبدالقادر ولى؟ ماشى _ هو كل الناس عندكم أولياء؟؟ تعرفى المرسى أبوالعباس؟ بعد إذن مجداوية يعنى.
مجداوية: >ضحك حتى فطس< حلوة أوى أوى أوى النكتة دى _ ضحكتينى بجد _ أحسنتى _ _ بس ربنا يسامحك يا مجداوية _ المدونة إتملت طفاطف ربنا يسامحك _ بالنسبة لموضوع الرجالة و حكاية وقفنا وقفة رجالة فيبدو إنك متسامحه خالص مع ضى _أنا مش عارف إنتى ساكته على كلامها ازاى مع علمى إن اسكندرية هى بلد الرجالة يعنى _ و ربنا يهدى النفوس . >نظرة بريئة<
مش عارف كلمات الأغنية تحديدا بس أعتقد ان بو علام صح زى ما قالت مجداوية .. أعتقد بو علام يعنى صاحب علامات يعنى كرامات_ و الكلمة التانية .. روف علينا _ أممم يعنى أرؤف بحالى _ روف من الرأفة _ و شكرا.
عبد القادر يابو علم ضاق الحال عليا
داوى حالى يابو علم سيدى روف عليا
سيدى عبد الرحمن دير مشغول من العذاب
واعععععععععععع مش عارفه اجيبها خالص هو فى حاجه الخيال وفى حاجات كتير بصراحه واععععععععععع لا اصل انا مش هرتاح غير لما اجيبها وانا عندى امتحان غدا ان شاء الله فحد يعمل فيا جميل علشان مش افضل افكر فيها حد يكتبها وبالله عليكم ادعولى غدا ان شاء الله بس ادعولى بامانه ووقفى الطفطف يامجداويه لما اجى من الامتحان او ابقى تعالى خدينى بالطفطف من الكليه .
مجداويه انتى حبيبتى مش تسمعى كلام دكتور محمد فى تهديه النفوس .
ايوه يادكتور المحله الان معروفه بالرجاله دى بقيت مشهوره بالرجاله بقا كل الناس بيخافوا مننا يادكتور معلشى انا بنكلم بردوه دا احنا الرجاله كلها .
خليكى معايا يامجداويه هعمل دعايه معايا على اسكندريه بس مش تخلى دكتور محمد فرحان فينا كدا استرى عليا اله يستر عليكى وعدهولى عندى امتحان بكره ان شاء الله .
الاغنيه واععععععععععععع كنت هات حاجه سهله شويه يادكتور قولتلك يادكتور فى عائشه اسهل بردوه للشاب خالد يعنى
اسمعت لوناديت حيا ولكن لاحياة لمن تنادي
تقبل مرور اخي الدكتور الرائع
السلام عليكم
(ضحك حتى بدت النواجذ وضرس العقل كمان)
انا فعلا بأضحك من قلبى لما بآجى هنا
اكتر حاجة بأضحك عليها
الاحتلال النسائى للمدونة
ومش اى نساء
دول واخدين الحزام الاسود فى المناقشات واسأل لوماا المستعصية اللى بأشكرها جدا على ذوقها وكلامها الجميل وقولى كمان(ضحكة ضرس العقل )
يا دكتور انا ساكنة فى الاسكندرية واخدت الجنسية بالاقامة لكن انا مش من اهلها يعنى ضى تقول مفيش رجالة فى الاسكندرية هى ادرى لكن تقول مفيش رجالة فى كفر الشيخ انزلها المحلة مخصوص
برجالتنا اللى زى رجالة فرج كده
فرج بتاع محمد صبحى
المهم
بجد طمنا على موضوع شيكاغو ده وشكلى كده حادور على تأشيرة لسيبريا
هو مفيش حتة هادية فى العالم ولا ايه
طلعنا منها يا رب على خير
عبد القادر بتاع الشاب خالد تفتكر هو نفس عبد القادر بتاعنا اللى لما بنزعل بنشيله؟؟
لأن نفسى بجد أعرف مين عبد القادر بتاعنا برضه اصله تقيل أوى
والله يامجداويه انتى زى العسل ربنا يحميكى يارب بجد لما بدخل هنا اكتر حاجه بضحكنى كلامك .
.
علشان كلمتك دى احلى رجاله بتوع اسكندريه ولا اقدر ازعلك ابدا يامجداويه وبالنسبه لكفر الشيخ انتى من كفر الشيخ يسلام جيتى فى منطقتى انا كليتى هناك واحسن رجاله كمان بتوع كفر الشيخ ورايحها بكره باذن الله لو عايزه حاجه منها قوليلى انتى بس وانا اجبهالك على طول من هناك وادعيلى اخر ايام فيها اهو ان شاء الله بقالى اربع سنين فيها .
والله يامجداويه بعد كلامك دا مقدرش اتكلم تانى احلى رجاله بتوع اسكندريه واعظمهم كمان بتوع كفر الشيخ .
السلام عليكم
لم اقصد حين قلت انه الواقع المر ان نستسلم له ولكنى كنت اواسى قلبى على اوجاعه وكأنى اسأله الم تتعود بعد ..
اكيد طبعا اتمنى ان يكون الواقع الاتى
يحمل لنا الامل فى التغير للاحسن ..
من يعلم سمعت مقوله تقول كل ما ضاقت كل ما فرجت ... فهل هناك ضيق اكثر من هذا؟؟؟؟؟؟
تحياتى
ضى: مشكورة ع الترجمة و ربنا يوفقك ف امتحاناتك_ و بلاش واعع دى _ _ _ _ _ _ _ _ _شموخ يأبى الإنكسار : شكرا لك و إن كنت لا أعرفك_ منور
مجداوية: يبدو إن الكل عرف إن لوما هى المستعصية _ بس عرفتو ازاى..؟؟ _ _ ثانيا: تعالى زامبيا فخلاف هذه الحادثه الشعب هنا مسالم جدا بل و محترم جدا._ _ _ _ _ _ _ _ _ _ _ _ روفى: أسعدنى تعليقك للمرة الثانية _ يبدو إنى فهمتك خطأ المرة السابقة _ لكن خلينى أسألك نفس سؤالى لمجداويه _ هتنتخبى مين من الأربع مرشحين المذكورين؟؟؟
الشر برة وبعيد يادكتور واحنا كنا استحملنا الحاج الكبير عشان يجيلنا الحاج الصغير
المفقوعة مرارتها: ههههه الإسم معبر أوى _ جميل _المفقوعة مرارتها بتعلق فى مدونة باصص للنص الفاضى .. منك لله يا مبارك إنت اللى عملت فينا كدا. _ منورة بجد.. و بالنسبة للحاج الصغير أنا لا أقرر واقع الشر بره و بعيد _إنما أنا شايف إننا ماعملناش شئ يمنع الحاج الصغير من إنه ييجى بعد الحاج الكبير.. >يرفع حاجبه مستغربا!< .. هومين بقى الحاج الصغير و الكبير!! .. >إبتسام< .. كدا ما حدش يقدر يمسك علينا حاااجة.
السلام عليكم
ليه يا دكتور محمد معطل التعليقات فى تاج الأحلام ؟؟؟!!!!!!
المهم
كل عام وانت الى الله اقرب والى احلامك اقرب
وبعدين ايه الخمسات الكتيرة دى عشان الحسد صح ؟
اولا انت تثبت بحق وعسى ان تكرهوا شيئا وهو خير لكم
احلامك بالنسبة للمعهد واللغة العربية متاحة جدا وأنا خير مثال فبعد ما شاب ودوه الكتاب وتلميذة وعندى 45 سنة يعنى ملكش حجة
الله اكبر على حفظك لنص القرآن وربنا ييسر لك اكمال حفظه وسبحان الله العظيم هناك ارتباط وثيق بين القرآن وحب اللغة والتمكن منها ولو سألت صاحبنا (؟؟؟؟) ستجده بالكتير حافظ والعصف والريحان بس المفاجأه انه دارس علم التفاوض !!!!!!!!!!!!!!!!!!!!!
على اساس يعنى الارهابيين المتأسلمين اللى بيحتجزوا رهائن يقدر يفاوضهم او ده علم الجدال العالمى
سيرته بتجيبلى صداع
ما علينا
نرجع للحياة الجميلة والاحلام
انا فهمت كلامك عن اختيارك لشريكة حياتك لكن اقول لك ان الزواج اساسه ما يأت بعده وليس قبله ما بنى على المودة والرحمة كان هو الحب فى اسمى معانيه وتخيل معى الرحمة فهو ابلغ وصف للحب المفقود بين الازواج فالرحمة لا تأتى الا من محب وان شاء الله ستعثر على ضالتك التى تكون أما لسلمى
على فكرة بنت اختى اسمها سلمى وهى للآسف مخطوبة والا كنت حجزتها لك متنفعش نسمة اهو تربيها على ايدك هههههههه
عمولة يعنى
والله اخى الكريم من صفاتك الظاهرة ونحسبك من الشباب التقى الصالح ولا نزكيك على الله فانت تشرف اى عائلة واى فتاة
ربنا يحقق كل احلامك
فين التورتة ولا انت قافل التعليقات هناك عشان الغرامة فك الكيس شوية اى حاجة ان شالله صوباعين موز زامبيزى
ياللا ناخد الطفطف وأروح وارجع تانى تكون فتحت الحدود
هههه .. إنتى خطيرة يا مجداوية _ ربنا يوفقك _ و بصدق العمر مش بعدد السنين إنما بعداد المشاعر _ يا صاح .. ليس السر ف السنوات .. لكنه فى المرء.. كيف يعيشها؟؟ فى يقظة ؟أم فى عميق سبات؟ .. قم عد آلاف السنين على الحصى .. هل عد شبه فضيلة لحصاة؟؟ .. و أنتى كلك فضائل يا أم نسمة ولا أزكى على الله أحد.. لحظات أشوف التعليق هناك إيه مشكلته . . حاالا.
معلش اتأخرت فى اجابة سؤالك كان عندى ظروف منعتنى من المتابعة لفتره ..
بالنسبه لسؤالك عن انتخابى فتأكد اننى لم ولن انتخب احدا ..
تحياتى
rovy
إرسال تعليق