أمس انتهيــنا فلا كــنا و لا كـانا
يا صاحب الوعد خلِّ الوعد نسيانا
طاف النعاس على ماضيك وارتحلت
حــدائق العمــر بكياً فاهـدأ الأنا
أيام و أكون بزامبيا
عقد عمل كطبيب بيطرى هناك
أفكر بأشياء كتير
يلوح لى أمل و يراودنى بعض القلق
***
كلمة أحد الأصدقاء الذى سبقنى بزيارة زامبيا
قال: زامبيا؟؟ يعنى ترجع 50 سنه للورا
هدوء حياة و روقان...زحمه مافيش
كلهم على بعض 10 مليون
الشمس لسه موجوده بالشوارع ...ثقافة الأبراج لسه ما اتحكمتش
الصراحه استبشرت خير و اطمنت جدا
دخلت اشوف معالمها على جوجل ايرث
شلالات فكتوريا
الحياة البريه بكامل زامبيا
قطعان حيوانات بكل مكان
العاصمه لوساكا لاتكاد بيوتها تزيد عن دورين
الأشجار موجوده بكل مكان بالعاصمه بشكل مميز
مافيش زحمه بجد
حمدت ربنا كتير
***
لكن أخشى
إن الفراق يكون صعب
لما الواحد يفارق أهله
أصدقاء طفولته
و الناس اللى حبهم و ارتبط بيهم
مش هاعرف اتكلم عن الفراق لانى لسه ماجربتوش
فقط اعرفه و اسمع عنه و عن مرارته
و شتان بين المعرفه و الادراك
ان الواحد يعرف معنى غير ان الواحد يدرك حدث وشئ ملموس
يريحنى أحياناً شطر البيت الذى قاله الشافعى
سافر تجد عوضأ عن من تفارقهم
اتمنى ان يصح قوله
***
يلوح لى أمل بالهجرة الدائمه الى هناك
و تكون حياتى و زواجى و اسرتى و كله كله الى هناك
ده لو ربنا كتب لنا نتزوج ف الزمن ده
لولا أهلى و من أحب هنا بمصر لكان قرار نهائى بالنسبة لى
***
تقلقنى دائما كلمة سمعتها يوماً لزكى نجيب محمود
يقول
الانتماء يكون دائما حيث النماء
يعنى أى مكان بتنمو فيه بتنتمى اليه
و النماء مش نماء جسد و بس
فيه نماء نفسى و اجتماعى و دينى
و نماء مادى و اقتصادى و نماء صحى و جسدى
و نماء عقلى و و
بينى و بينكم
أخشى
أخشى لما أشوف زامبيا أنتمى لها
أخشى أكون زامبي أكتر منى مصرى
مش هاكدب عليكم
لحد دلوقت انا ما اعرفش مصر
ما اعرفهاش
لانى ماشفتهاش
من الظلم اننا ندعى ان اللى احنا شايفينها دى دلوقت مصر
دى ام الدنيا؟؟؟
دى تبقى أم عاق... ام قاسيه على اولادها
و مصر التى فى خاطرى مش كدا
نظلمها لو قلنا ان دى مصر
بس أحيانا بتلوح لى مصر ثم تنطمس الصورة
رفاعه الطهطاوى و على مبارك و حتى محمد على
و شوقى و الحكيم و العقاد و طه حسين ...و...و
سعد زغلول و مصطفى كامل و عرابى...و...و
و لعلنا نجد بقايا الصورة الأن
مسجونه مع ابراهيم عيسى و رفاقه
بتتحاكم مع عصام العريان و عبد المنعم ابو الفتوح
ف العنايه المركزة مع احمد فؤاد نجم
أو نجدها قد أقيلت من منصبها مع الجنزورى و الكفراوى
مصر التى فى خاطرى غير مصر التى فى واقعى
لعلى أنتمى لمصر التى فى خاطرى الأن و التى لم أرها بواقعى
***
الهدوء و الصمت
معانى غابت عن حياتى
لانى ساكن جنب السكه الحديد
و لانه بالقرب منا مزلقان السكه الحديد نفسه
و يوم ما يتقفل ...أجارك الله ع اللى بيحصل
المزلقانات كلها كوم و مزلقانا هذا كوم أخر
العربيات بتقف فى الاتجاهين بناحيتى المزلقان
و لما بيتفتح بيقابلو بعض و يشتبكو
و يظلو واقفين وشهم فى وش بعض
و يبقى الحال على ما هو عليه و على المتضرر
النزول من عربيته و يشتغل عسكرى مرور
وطبعا العربيات مش هتقف ساكته
و شغالين كلاكسات
صورة مصغرة عما يحدث بحياتنا...كل مشاكلنا بنحلها بالجعجعه والصوت العالى
كانهم بيظنو ان المشكله حلها الكلاكسات
مش واخدين بالهم ان المشكله جوا راسنا المتركبه شمال
ماعلينا
القصد انى ساكن جنب المزلقان ده يا حضرات
دا غير القطر نفسه اللى بيعدى كل شويه لحد ما الواحد جاله شد عصبى
و القصد ...انى اشتقت للهدوء
اشتقت اسمع صوت الصمت
وحشنى
نفسى اعطى لودانى راحه شويه
هى ذنبها ايه
و لما شفت مكان المزرعه بالجوجل ايرث عرفت انى اخيرا
هالاقى ما اتمنى من الهدووووووووووووووء
***
***
الأن أبعث سلامى و تحياتى لكل من أحب
لعل هذا سيكون أخر موضوع لى بالمدونه و أنا بمصر
و لعلى استطيع التواصل معكم من هناك
من الجنوب الافريقى
سلامى لكل من أحببت و فارقت
سلامى لكل من أحببت و اردت الاقتراب منه اكثر فمنعتنا الظروف
سلامى لكل من شرفنى بالمشاركه و التفاعل معنا عبر المدونه
***
كلمات لها معنى
نويت أن أشترى رواية عباس العقاد
"ســـــارة"
ده اسم الروايه
يراودنى الفضول لأعرف ماذا كتب تحت هذا الإسم؟؟
هناك ١٧ تعليقًا:
السلام عليكم ورحمة الله وبركاته
ادرك تماما معنى ان الواحد يسكن جنب السكة الحديد
ممكن تعبي لي شوية هدوء وصمت في قزايز (زجاجات يعني)
وتبعتهم طرد مستعجل :D
اما موضوع الهجرة متهيالي صعب
الاهل ...الصحبة .... الذكريات بحلوها ومرها ....
اعتقد انك محتاج تعيد النظر في مسالة الهجرة
تروح وترجع بالسلامة يا دكتور
وسلم لنا على شلالات فيكتوريا :D
ربنا يوفقك ويرزقك من حيث لا تحتسب ويقر عينك بما ترضى
سلامك يوصل باذن الله يا زمرده لفيكتوريا
بس اوصلها بس ههههه
و تسلمى و تسلم دعواتك
و لو على قزايز الصمت اعتقد اننا بمصر عندنا منه كتير
احسن صمت تلاقيه عندنا
كافة انواع الصمت
انما الهدوء ...ده ماشى ..عنيا
نجيب منه شويه
سلامك يوصل باذن الله يا زمرده لفيكتوريا
بس اوصلها بس ههههه
و تسلمى و تسلم دعواتك
و لو على قزايز الصمت اعتقد اننا بمصر عندنا منه كتير
احسن صمت تلاقيه عندنا
كافة انواع الصمت
انما الهدوء ...ده ماشى ..عنيا
نجيب منه شويه اما بالنسبه للهجرة فربنا يعمل اللى فيه الخير
و اعتقد ان لسه بدرى على القرار ده
السلام عليكم و رحمه الله و بركاته
راحل الى زامبيا
هترجع 50 سنه للوراء طيب علشان الشمس و الهدوء .. لو نفسك فيهم روح الصحراء مش هتلاقى حد يقاسمك الشمس و مش هتلاقى ازعاج هدوء و راحه ...
***
قرار الهجرة صعب و اكيد لما تعيش هناك شهر او اتنين و هتحن لمصر الى انت مش لاقيها
هتحن لاصدقاء .. اخواتك فى الله ...أهلك .. بيتكم ... القطار الى بيمر من جنب بيتكم .. اهو القطار دا بالذات يا دكتور هشتاق لصوته وقت الفجر ... سمعناه كتير و انت على المايك فى الغرفة و اقترن صوته بصوتك و انت بتلقى الشعر ...
*****
ان شاء الله مش هتكون مواطن زامبي أنت مصرى و هتفضل مصرى ... هتشتاق لمصر حتى لو كانت فى غرفة العناية المركزةةةةة.... مصر أمنا و مهما قسيت عليا أحن من اى مكان تانى .. اتمنى و انت هناك مش تفتكر مصر دواما و تشتاق لكل يوم فيها و تتمنى الرجوع اليها
عارف شعورك و الظلم و القهر الى انت حاسس بيه فى بلدنا بس لو كل واحد ساب مصر يبقى احنا مش نستاهل نكون ولادها هنسيبها لمين .. مصر اولى بينا ننقذها بدل ما تغرق اكتر
فكر تانى فى قرار الهجرة
و ربنا يقدم لك الى فيه الخير و يهدى بالك ... و يرزقك من حيث لا تحتسب ..
اما موضوع انك تتابعنا من هناك و الله يا محمد اشك الى سمعته ان هناك مفيش غير جهاز واحد بس و موجود فى المطار هههههه :p
فى الاخر هرجع و اقول يا دكتور محمد الاسود الى هناك مش زى الى فى مصر ... مش بيضا دى بنيه و خلى بالك و انت بتعالج التسوس .. أنت فاهم أقصد ايه اتمنى و انت هناك لو قابلت اسد تفتكر رحمه ... ههههه و تقول الله يذكرك بالخير
تروح و تعود لامك الحبية مصر بالف سلامه
لا تنسانا من دعوة فى الطريق فدعاء المسافر مستجاب و لا تنسانا من دعواتك فى ظهر الغيب
اتمنى لك من كل قلبى سفرا موفقا وان تجد هناك كل ما تطمح اليه من هدووووووء وطمأنينة البال وربنا يسعدك دنيا واخرة..واتمنى لك كل خير رغم ان فراقك سيؤلم كتيرا من احبابك
قمر المغرب
تسلمى يا رحمه
و باذن الله يكون جابو كمبيوتر تانى مع الكمبيوتر اللى بالمطار
و باذن الله نظل جميعا على تواصل
و الاسود اللى هناك شبه الاسود اللى هنا ..ماتقلقيش محسوبك استاذ ف التعامل مع الاسود هههههههههه
بس بطريقة مختلفه عن اللى كنت شرحتها قبل كدا
اما عن القطر فده الشئ الوحيد اللى مش هاحزن لفراقه ابدااااااا هههههههههههه انا ناقص؟؟؟
و لو اعرف انه محبب عندكم كدا كنت اسجله و ابيعه بشرايط ههههههه
تسلمى يا رحمه و اشوفك على خير
اهلا قمر المغرب
تسلمى انتى و اهل المغرب كلهم
و باذن الله ما يكون فيه فراق ابدا و يظل التواصل بيننا جميعا
و ساحاول اول ما اوصا ادور على مصدر للنت هناك نحاول نتواصل ع الاقل من خلال المدونه
اراكم على خير
السلام عليكم
السلام عليكم دكتور
يارب تكون وصلت بسلامه .........
ويارب تكون زامبيا عجبتك .....
بس من رايى انا ان مفيش بلد زى مصر تاخد مكانها ......
مصر بلد جميله جدا والمشكله مش فى البلد المشكله فى الى قاعدين فى البلد هما اكيد الى قاسين مش هى البلد نفسها .....
ربنا مدينى البلد جميله ورائعه وبجد مهما لفيت نفيش زى مصر ام الدنيا .......
هما الى فيها هما الى مخلينها بالسوء دا .........
وبجد اكيد زمانك دلوقتى بتحن ليوم من ايام مصر ...........
من يوم من اياد اهلك واصدقائك وحبيابك الى حبوك ........
؟؟؟؟؟؟؟؟؟؟؟؟؟؟
ahla bek ya ghair mo3arraf
fe3la mesr balad gameela
atamanna ma ahad yefhamney khata
wa hal yogad ensan la yoheb baladh
wa hal yogad ensan la yoheb man yohebbon......
asef l3dam kodrety 3la ketabet mdonah ledeek el wakt
asef 3la ketabty in english ledik el kebord hhhhhhhhhh
السلام عليكم ورحمه الله
ازيك يادكتور يارب تكون بخير ....
ويارب تكون زامبيا عجبت حضرتك وتكون مرتاح هناك .....
وربنا يوفقك دايما ......
ويارات يادكتور تطمنى على حضرتك كل فتره ونعرف انك دايما بخير ......
وجد زعلانين من حضرتك جدا وحضرتك اكيد عارف ليه ؟؟؟؟؟؟؟؟
وربنا يوفقك ويكرم حضرتك بكل خير يارب ...
فى رعايه الله دايما .....
السلام عليكم..ان شاء الله تكون وصلت بخير..واستقيرت واعجبك المكان...رغم انو هنقصك النظر فى وجوه من تحب ..بس معلش ...كل ما قسمه ربنا فيه خير ولعلها تجربة فيها خير كثير تضيفها الى تجاربك ..اتمنى لك التوفيق ..ارجو ان تخبرنا باخر اخبارك ولو بالحروف اللاتنية ههههههه على فكرة لايق معاك الحروف اللا تنية هههههه دمت بود
قمر المغرب
السلام عليكم ......
ازيك يادكتور محمد يارب تكون حضرتك بخير .....
بس بجد الزعل كبير اوووووى من حضرتك ....... وبردوه مش هقول ليه علشان حضرتك عارف ......
بس حتى طمنى على حضرتك وقولنا ايه اخبارك واخبار زامبيا شكلك نسيت مصر خالص ......ز
بس لما سافرت زامبيا اكيد دلوقتى مصر بقيت وحشه ولا ايه .....؟
بس بجد عايزين نطمن على حضرتك باى شىء ........ حتى اكتب باليابانى اكيد هنفهم علشان احنا عايزين نفهم ........
ويارب دايما تكون بخير .......ويارب يوفقك دايما ..... بالخير .....
ahla beky ya kamar ana bekhair alhamd lellah
we tamam
we nefsy alaky ay wasila lelnet hona
laken lelasaf hena elnet ghaly gedda
hwaly160dollar per month
kefek ya day elkamar
lelasaf mafeesh yabany
hhhhhh
bs la areid had yez3al menny
kol ma af3aloh ho hersan 3la mn o3ez
slamy lel3roosa we waledha 3m mohamad keteeeeeer
we tammaniny 3aleeh
we khaloona netwasal hena belmodawwena
kefek ya day elkamar
lelasaf mafeesh yabany
hhhhhh
bs la areid had yez3al menny
kol ma af3aloh ho hersan 3la mn o3ez
slamy lel3roosa we waledha 3m mohamad keteeeeeer
we tammaniny 3aleeh
we khaloona netwasal hena belmodawwena
السلام عليكم دكتور محمد
الحمد لله اننا اطمنا على حضرتك انك بخير ويارب دايما تكون بخير ...
ويارات حضرتك تطمنى عليك كل فتره .....
ويارات حضرتك الطلب الى طلبته منك يارات تنفذهولى لو امكن ليك وانا عارفه انو امكن ليك وهتقدر تعمله ........
وبجد زعلى من حضرتك لسه زى ما هو ؟
والعروسه كويسه جدا الحمد لله وبعتالك السلام كتير ......
ووالدها الحمد لله تمام كويس الحمد لله ........
وكل سنه وحضرتك طيب ويارب باذن الله تكون معانا فى العيد الجاى هنا باذن الله ........
وربنا يوفقك ويكرمك يارب ممن لا تتحتسب .....
ضى القمر
إرسال تعليق